Postby XidigtaJSL » Wed Oct 17, 2007 4:48 pm
RAG SAMAAN KA SAMAANBAAN SAMAHAWGU WADNAA,HADDUU SAKIMI WAYO SUBAX BAANU GALAALYO SAKAARKAAN JEBINAAYOO....
Dhafoor-qiiqleyaashii Puntland ee uu Bidde Muuse, ku
soo weeraray Dalkan Somaliland, Muddada dhawrka
sannadood ahna aanu abhin, wax-u-sheeg, hogatusaaleyn,
xusuusin deris wanaagga iyo samotalisnimada diinteenna
Suubban kula daalneyn, weliba ugu darney, Dalalka
inala deriska ahi, bal in ay u caqli celiyaan ka
codsannay , ee damacii sooyaalka ay hiddaha qallooca u
lahaayeen ka indhotirey, dhirbaaxadii hore ee lagaga
qabtey 17 Maxbuus , kuna jireen saraakiishii waddey
dagaalkaa hore oo ay ka mid ahaayeen qaar xasuuqii
Dawladdii Afweyne gacmaha kula jirey, waxay ahayd wax
tusid bal in ay in uun caqli ku dayaan, in ay libaax
hurdey isku toosinayaan oo shaarubaha jidjiidayaan!!!
Sagaal bilood ka hor, Maqaal hoga tusaaleyn ah oo aan
damaca waxa ay isirka ku sheegayaan oo aanay kob
caleenle maalin kaga soo toosin ugu sheegay
sooyaalkoodii guuldarro, iyo sanqadh-xumida mid waliba
ku dhammaadey. Waxaan u sii meel xaadhey, waxa aan
hubo in ay afkooda ka soo bixi doonto kuwanna marka ay
Raambooyada Somaliland dhirbaaxo libaax indhaha bayl
kaga duuliya ay ku hamsiiyaan!!
Odeygoodii Ina Cabdille Xassan, wax uu been cartamaba,
markii uu Libaaxa Somaaliland ku toosay, "Caamir waa
Salleellee , anaa haatan caymadiye ayuu ku tegey,
isaga oo baqo-cararaya!!" Afweyne, Kibir , jaahilnimo,
iyo axmaqnimo intuu culimadii Dalka xukun Ilaahay uu
Suuradda ANNISAA' ku caddeeyey ku laayey, markii ay
diideen in ay xuquuqda ragga iyo Dumarka simaan, oo
shaydaankii liinin uu kaga dayday, ayaa markii Libaaxa
Somaliland ka caydhshay isaga iyo humbannidiisii
Dalka, ee Walaalaha koonfureedna, dad-xumadiisii
arkeen, iyana ku bilaabay halganka hubeysan uu yidhi
argagaxii"Ilaah baan idin ku dhaariyee, xabbedda
joojiya !!
Bidde Muusaha Puntland haddaba, isaga maxaa ka soo
yeedhay?!! Libaaxyadii la kacay Ciidankii Afrika ugu
xoogga weynaa, ee ilaa janannadii Bariga yurub Ruushka
uga dagaal geliyay marka uu Naato la dagaallamayo loo
keenay la joojin kariwaayey dagaalkii 77kii, welibana
ay u dheeraayeen calooshooda u shaqeystayaashii
koonfur Afrika iyo Kuuba, Markii ay ku tooseen
dhafoor- qiiqleyaashii weerarka ahaa, ee basarka ay u
rudheen, badhna ay qabqabteen, badh miciyaa geliyeen,
badh boholo ay ku dhaceen oo bowdyaha ay ka jabeen,
badh baxsad ay naf-bideen oo baaruuddu ay basrisay ee
baab' ay ka dhigeen, biddihii Cadde Muuse wasiirkiisii
arrimaha Anigu waxa uu naxdintii iyo fajacii
dhirbaaxada ku yidhi" Eriteriya, Maxaakiimtii iyo
Somaliland ayaa isugu kaaya tegey oo na weeraray!!!"
Dagaalkii halgankii hadal jilicsayaashu markii ay soo
hirgelinayeen isirnimadan, gabaygii maruuryoodey ee ay
ku baroorteen waxa ugu dambeysay,"Wuxuu Dawliskii
igaga go'ay, kob aanan dooneyne, yaa Darood Ismaaciil
aheey, durugtey Ceebtiiye !!!" Bidde Muuse haddii uu
sida bani aadamka caqli ku socdo, Baydkan kuwii ka
horreeyey oohin tiriyeen ayaa waxsheegmo ugu fillaan
lahaa, in uu libaax ka hurda isku toosinayo, ee
jiilaal nin naaxay, wax sheegmo iyo tusaaleyn midna ma
geyo!!
Waxa ammaan , bogaadin iyo mahadba muteystey,
halyeeyada soomajeestayaasha ah ee Ciidammada qaranka
Somaliland, oo ab iyo isirba u lahaa, hadday gacanta
qaadaan in guusha dhaliyaan. Si aan sanqadh dambe uga
suuragelin cid kasta oo naftoodu u been sheegto inay
hal centimeter oo dhulka Soomaliland dhuqdhubuq u soo
galaan , sida dhafoor-qiiqleyaashan, lafta iyo diirku
macaluusha isugu dhegeen een maxaabiistooda mid tin
madoobi ku jirin haddana !! la soo taabto garoowe iyo
gofonayaasha Af-ka-dirirka ah. Waxaanu leenahay
kuwaas,
Waddadaannu soo haynnaa, wadkii aad dalbateen iyo
wacdaraanu wadnaaye, waa halkaad u baxdaan!!
Dr. Cali Cabdi Muxumed,
Hargeysa.