Xafladaasi oo ay soo qaban qaabiyeen jaaliyada wadanka Itoobiya ee ku dhaqan Somaliland iyo safaarada Itoobiya ku leedahay Magaalada Hargeysa waxa ka soo qeyb galay Wasiirka Arrimaha Dibada, Shirgudoonka Golaha Wakiilada, masuuliyiinta sadexda xisbi qaran iyo jaaliyada Itoobiya ee ku dhaqan Hargeysa.
Wakiilka Itoobiya u fadhiya Somaliland oo furitaankii xafladaasi ka hadlay ayaa sheegay inuu ku faraxsan yahay munaasibada labaatan guurada ka soo wareegtay markii tallada dalka Itoobiya laga tuuray kaligii Taliye Mingistu, waxaanu tilmaamay in shacbiga wadanka Itoobiya ay halgan dheer u soo galeen.
Wakiilka Itoobiya waxa uu sheegay in tan iyo markii dawlada uu hoggaamiyo Rasyal Wasaare Malas Zanawi la wareegtay talada dalka ay gobolka u horseeday nabadgelyo iyo horumar, waxaanu xusay in xidhiidhka dublamaasiyadeed ee ka dhaxeeya Somaliland uu marayo meel wanaagsan.
Wasiirka Wasaarada Arrimaha Dibada Dr. Maxamed Cabdilaahi Cumar oo ka hadlay xafladaasi ayaa sheegay in xidhiidhka ka dhaxeeya Somaliland iyo Itoobiya uu yahay xidhiidh adag oo ku dhisan iskaashi dhinacyo badan leh. Waxaanu tilmaamay in dawlada Itoobiya ay iska kaashadaan dhinacyada nabadgelyada, ganacsiga iyo ladaagalanka Argagixisada.
Dr. Maxamed Cabdilaahi waxa uu sheegay in shacbiga Somaliland ay Itoobiya abaal weyn ugu hayaan sidii ay u soo dhaweeyeen xiligii taliskii Siyaad barre uu duqaynayay dadka rayidka ah eek u dhaqan magaalooyinka Somaliland.
Gudoomiyaha Golaha Wakiilada Md. C/Raxmaan Maxamed Cabdilaahi (C/Raxmaan Cirro) oo uu weheliyay Safiirka dawlada Itoobiya si wada jir ah u jaray Keeg ay ku sawiran yihiin calammadda Somaliland iyo Itoobiya oo loogu tallo galay munaasibada sanad guurada labaatanaad ee ka soo wareegtay xiligii dawlada Raysal wasaare Males Zanawi ay la wareegtay tallada dalka.
This is beyond low
