.Kenya oo Mid kamida Beelaha Soomaaliyeed Kabarakicisay Magaalada Mandheera,Guryo iyo gooba ganacsi oo lagubay (Wareysi). .
Wednesday, 21 March 2012 17:24 Editor Hits: 445 . .Shabakadda AmiirNuur Media waxay Akhristayaasheeda usoo gudbinaysaa warbixin xaqiiq ah oo ku aadan xiisada colaadeed oo ka jira degmooyinka Beled Xaawo iyo Mandheera ee cadawgu xoog uga haysto muslimiinta.
Cadawga Kenya ayaa bilaabay in uu kala qoqobo qabaa’ilada Somaaliyeed ee Muslimka ah mid kamida beelaha Soomaaliyeed ayaa 24-kii saac ee lasoo dhaafay guryo looga gubay Mandheera hanti farabadana looga dhacay.
Magaalada Mandheera oo katirsan dhulka Somaalida ee Kenya heysato waxaa wada dega qabaa’ilo Soomaaliyeed iyo kuwa Nasaara Kenyaan ah waxaana magaalada maamulkeeda gacanta ku haya gaalada Kenya waloow ay saraakiil hoosaadyada qaar ay yihiin Soomaali.
Saacadihii lasoo dhaafay magaalada waxaa kajiray xaalad kacsanaan ah kadib markii ciidanka Nabad sugidda Kenya ay si hoose u Khaarijiyeen Nin kasoo jeeda beesha Garre oo kamid ah beelaha ugu tunka weyn Mandheera.
Markii dilkaasi dhacay ayay dad katirsan beesha Garre waxay ku qamaameen guryo iyo goobo ganacsi oo ay leeyihiin qoysas kasoo jeeda beesha Mareexaan oo kamid ah beelaha magaalada waxka dega.
Maanta barqadii ayay dad ku hubeysan baangado ku yaaceen guryo ay deganyihiin qoysaska dhanka Beled xaawo kasoo jeeda xaaladda ayaa xumaatay waxaana dab laqabadsiiyay guryo iyo dukaamo ganacsi.
Xaaladda oo sidaasi u qasan ayay ciidamo Booliska katirsan oo beesha Garre kasoo jeeda rasaas ku fureen dad ka qeyb qaadanayay Rabshadaha waxaana halkaasi ku dhintay 2 qof iyo dhaawac gaaray 12 qof oo kale.
Barakac xoogan ayaa ka bilaawday magaalada Mandheera oo ladhihi karo dhamaan waxaa lagasoo Eryay shacabkii kasoo jeeday degmada Beled Xaawo ama beesha Mareexaan.
Hadaba si aan wax uga ogaano dhibaatada Mandheere ka jirta waxaan Wareysi layeelanay mid kamida dadkii goob joogga u ahaa dhibaatada magaalada ka dhacay oo qudhiisa kamid ahaa dadkii gurigiisa lagubay kadibna dhanka Beled Xaawo usoo cararay.
Wareysiga ayaa u dhacay sedan:-
AmiirNuur:Walaal sidee wax uga dhaceen Mandheere?
Daa’uud Cartan: magaalada waxaa ka dhacay wax aan ku tilmaami karo isir sifeyn sababtoo ah dad hal beel ah ayaa hanitooda ladhacay guryahooda lagubay.
AmiirNuur: dhibkaas aad sheegtay Yaa geysanaya dowlada Mise shacabka kale?.
Daa’uud Cartan: maamulka Mandheera ayaa dhibka qeyb ka ah waxaana xaqiiq ah in maamulku uu gadaal kasoo riixayo beesha Garre ee weerarka kusoo qaaday dadka maatida ah, saraakiil maamulka katirsan oo layaqaan ayaa taageeraya dhibta jirta.
AmiirNuur:Dadka qabiilka ah ee aad sheegtay maxay u sababeynayaan weerarka?.
Daa’uud Cartan:Walaalow magaaladan sanadkii lasoo dhaafay ilaa hadda waxaa ka dhacayay qaraxyo iyo dilal qorshaysan oo lala eeganayay saraakiisha dowladda Kenya balse kama jirin wax kale oo dadka magaalada wada dega dhaxdooda saameeyay, bishii lasoo dhaafay ayay ciidanka booliska Mandheera dileen mid kamida dhalinyarada beesha Mareexaan kadina way ugubeen Meydka wiilka taasi oo muujinaysay waxashnimo iyo isku dirka qabiilada walaalaha ah ee magaalada wada dega dhacdada hadda taagan arrinkaasi ayay salka ku heysaa.
AmiirNuur:Maxaa Xiisadda hadda taagan soo kiciyay?.
Daa’uud Cartan:Habeen hore waxaa ladilay Askarigii soo qabtay wiilkii bil kahor magaalada lagu dilay kadibna meydkiisa gubay,Ninka ladilay wuxuu kasoo jeeday beesha Garre sidaasi ayay xaaladu isugu bedeshay mid qabiil.
AmiirNuur: Inmise qoys ayaa laga qaxiyay Mandheera?
Daa’uud Cartan: Walaalow dadku mayara waa kumanaan qoys dhamaantoodna waxay soo galeen magaalada Beled Xaawo oo ah magaalo ay gacanta ku hayaan kooxo mushrikiin ah waxaa laga yaabaa in rabshadaha Mandheera ay isla ogyihiin mushrikiinta iyo Kenyaatiga.
AmiirNuur:Ugu dambeyn Mandheera hadda yaa ku haray?