Berigii ay Soomaaliya iyo Somaliland sida kumeel-gaadhka ah isku dawladda u ahaayeen ayaa waxa dhici jirtay in Ardayda ay dhaleen Askarta, Macalimiinta iyo Shaqaalaha Dawlada waala bed-bedeli jirey, Halka Waalidka loo bedelo ayuu Ardayguna Iskuulka u bedelan jirey, Tusaale ahaan waxa dhici jirtay inuu Qofku Faarah Omar Hargaisa ku bilaabo, Sheekh ku Xigsiiyo, Sh, Bashiir Burco sanad ku dhigto, Garoowe laba sano ku dhigto, Jawhar, Galkacayo ilaa Banadir, Dugsiga dhexe iyo hoose waxa Macquul ahayd inuu 8 gobol ku qaato Arday kamida Ardayda Ciidamadu dhaleen oo Hargaisa laga bedelay ayaa Xamar loo bedelay, Saddex Maalmod marku Fasalkii Fadhiyay ayaa maalinti dambe Xiisad English ah loosoo galey, waa Macalin Ciyaala Banadir ah oo weligi Xamar dhaafin iyo Ardaygii oo Hargaisa mooyee gobol kale soo marin, waa kaas Englishtii Bilaabay
A book = Buug waaye
Haayoo way Noqonaysaaye
A pen = Qalin waayee
haayoo way noqonaysaaye
A Cat = Mukulaal waayee
Mukulaal Aa ? oo Mukulaashu waa maxay,
Yaanyuur waaye
oo Yaanyuurtuna waa maxay ?
Fiiri adiga, Mukulaal Makasaysid, Yaanyuur makasaysid
Wallay Iga tahay,Dee malaha English baad talyaani ku sharaxaysaa oo waa maxay yaanyuurtu dee?
Birimo in lagu celiyo waaye,
Oo Birmaduna waa maxay ? (Birimadu waa uulada ama Fasalka koowad ee dugsiga hoose)
Ardaygii waxa lagu xukumay inaanu fasalka la qabsanayn Maadaama oo Mukulaal iyo Yaanyuur iyo weliba Birimo Garan waayay hadda khaladna kuma laha oo ninkani Bisad buu yaqaan oo fahmi lahaa.