Liiska Magacyada Qaar kamida Golaha Wasirada Xukumda Cusub Ee Silanyo.
Taariikhda Somaliland Oo Markii U Horeysay La Filayo In Laba Haween Ah Ka Mid Noqdaan Golaha Wasiirada
Hargeisa-(TVSLE) - Madaxweynaha la doortay ee Somaliland, Axmed Maxamed Maxamuud (Siillaanyo) ayaa la filayaa inuu maalinta Axada ee toddobaadka soo socda ku dhawaaqo raxantii u horeysay golihiisa wasiirada.
Markii ugu horeysay taariikhda Somaliland ayaa la filayaa in golaha wasiirada cusub ee madaxweyne Axmed Maxamed Maxamuud (Siilaanyo) ay ka mid noqon doonaan 2 dumar ah, taas oo ilaa imika la saadaalinayo inay laba jago buuxiyaan, Ilhaan Maxamed Jaamac iyo Samsam Cabdi Aadan oo labaduba kasoo jeeda garabka haweenka ee xisbiga Kulmiye isla markaana ah laba aqoonyahan.
Axmed Muxumed Madar oo ka mid ahaa ururkii UFO, kana mid ah saraakiisha sare ee xisbiga Kulmiye, Dr.Ismaaciil Aadan C/laahi oo ah madaxa la dagaalanka cudurka Qaaxada Somaliland, Dr.Maxamed C/laahi Cumar (xoghayaha arrimaha dibada Kulmiye), Ismaaciil Muumin Aare, Dr.Maxamed Cabdi Gaboose (guddoomiyihii ururkii Qaran),Eng.Maxamed Xaashi Cilmi iyo Dr.Maxamed Rashiid Sheekh Xasan (murashaxii madaxweyne ku xigeenka UCID) ayaa siday Haatuf u xaqiijiyeen ilo xogogaal ah, si weyn loo saadaalinayaa inay ku jiraan liiska wasiirada xukuumada cusub ee madaxweyne Siilaanyo soo magacaabi doono.
Madaxweynaha la dooray Mudane Axmed Maxame Maxamuud (Siillaanyo) ayaa la sheegay in ay ku adkaatay in uu si dhamaystiran ugu dhawaaqo golahiisa wasiirada iyada oo xilligan ay jiraan buuq iyo sawaxan hoose, oo ku wajahan dadka xil doonka ama quudaraynaya in lagu soo daro liiska xubnaha la magaacabayo.
Dhanka kale guddidii qaban qaabada xaflada xil wareejinta ee madaxweynaha la doortay dhowaan magacaabay ayaa shalay ay shir wada yeesheen madaxweyne Axmed Siilaanyo.
´
Shirkaas oo la sheegay in guddidu dalbadeen ayaa ka dhacay guriga madaxweynaha la doortay.
