Garowe (RBC Radio):- Dood Cilmiyeed Afka Soomaaliga ku saabsan ayaa maanta lagu soo gaba-gabeeyey Magaalada Garoowe.
Munaasabad balaaran oo si heer sare ah loo soo agaasimay ayaa loo sameeyay Dood cilmiyeedka, waxaana munaasabadaasi lagu Qabtay Hoolka shirarka ee Dawlada hoose ee degmada Garoowe.
Xaflada Waxaa ka soo Qaybgalay Maamulka & Macalimiinta Jaamacada ,wasaaradaha Waxbarashada & Caafimaadka Culimaa’udiin Iyo Marti sharaf kale ,Waxaana soo Qabanqabiyey Madaxda Jaamacada Faraceeda Garowe,iyadoo loo Qabtay Ardayda Jamacada waxaana Doodu ay socotay mudo dhan 15 Cisho
Mudadaas waxaa lagaga Doodayey Xoojinta Afka Soomaaliga ,Ardayda ayaa ugu horeyn Goobta ka soo Bandhigay Gabayo ku aadan Xoojinta Afka Hooyo kuwasoo ay u tiriyeen Jaamacada iyo Dhibaatada ka taagan Dalka Soomaaliya.
Gudoomiyaha Jaamacada Faraceeda Garowe Shiikh Maxamuud Xaaji Yuusuf ayaa jeediyey warbixin ku Adan Barnaamijka iyo marxaladihii uu soo maray waxaana uu sheegay in Dhalintu ka Faaiiday Cilmi la taaban karo oo la xiriirta Barashada Luuqada Soomaaliga ,”Waxaa Muhiim ah in la Xoojiyo Barashada Hidaha iyo Afka Dalka Hooyo ee Soomaaliga
Shiikh C/qaadir Nuur Faarax ayaa la Dardaarmay Ardayda in aan laga Caajisin aqoon iswaydaarsiga waxbarashada ,ayna tahay arintaan mid lagu Horumarinkaro Cilmiga & afkeena labadaba.
Maxamuud Maxamed Idiris Wasiir kuxigeen Wasaarada Waxbarashada Puntland ayaa
sheegay in Tartanka noocaan oo kale ah ay ardaydu ka Helaan Dhiirigelin & bogaadin waxbarasho marka waa in aad badisaan ay Badiyaan Barnaamijyada Noocaan oo kale ah ,Jamacad ahaan Howlaha aad Bulshada u Haysaan Sii Xoojiya.
Shirkada isgaarsiinta ee Golis ee ka howlgasha deegaanada maamulka Puntland ayaa ka qayb qaadatay Xaflada loo Qabtay ardayda Tartanka ku jiray mudada.
Dr, Cali C/laahi Warsame Wasiirka Caafimaadka dowladda Puntland ayaa lagu soo Dhaweeyey Hadalka waxaana Mahad celin ka dib uu sheegay in loo Baahanyahay in la xoojiyo lana tayeeyo waxbarashada gaar ahaan in la soo Celiyo oo la wayneeyo afkeena Hooyo ee Soomaaliga, si kastaba ha ahaatee Kadis aqooneedkan ayaa ku soo dhamaaday Jawi aan la qiyaasi Karin.
Maxamed Daahir Yuusuf ( Saalim)