Gaalkacyo(Puntlandi.com):-Munaasabad lagu daahfurayay Tartan aqooneedka bisha barakaysan ee Ramadaan ee Idaacada Gaalkacyo ayaa xalay waxaa lagu qabtay stuudiyadaha idaacada Radio Gaalkacyo.
Tartan aqooneedkan ayaa waxaa ka qayb galaya Xaafadaha kala ah:
Israac laanta 2aad Garsoor Laanta 1aaad Horumar Laanta 1aad Dalsan ( Wadajir)
Israac Laanta 3xaad Garsoor Laanta 2aad Horumar Laanta 2aad
Israac Laanta 4aad Garsoor Laanta 3xaad
Israac Laanta 5aad Garsoor Laanta 4aad
Garsoor Laanta 5aad
Munaasabada ayaa waxaa kasoo qaybgalayay Xubno matalayay 12 Lamood ee ka qaybgalaya Tartan aqooneedka, Guddiga aayakatalinta gobolka mudug iyo Guddiga garsoorka barnaamijka Tartan aqooneedka,
Waxaana munaasabada Farintaanka tartan aqooneedka Hadalo ka jeediyay Guddoomiyaha Guddiga Garsoorka Daahir Cabdule Faarax, waxaaana uu ka hadlay ujeedada tartankan, Isagoo sheegay ujeedada tartanka ay tahay
1-In dhalinyaradu ay kala faa’iidaystaan aqoonta dhaxdooda ah
2-In dhalinyaradu ay sameeyaan isbarasho,isdhaxgal iyo isku xirnaan dhalinyarada gobolka mudug.
Sidoo kale waxaa isna furitaankii Tartan aqooneedkan hadal ka jeediyay Maxamad Yuuusuf Jaamac (Tigey) oo kamid ah guddiga aayakatalinya Gobolka mudug waxaana uu u mahadceliyay idaacada Radio Gaalkacyo ee tartankan qabanaysa, waxaana uu shegay in barnaamijkan faa’iidooyin badan uu u leeyahay bulshada gaalkacyo iyo dhalinyarada gobolka mudug.
“Runtii waa barnaamij taariihki ah in dhalinyaradii gobolka mudug ay ku tartamayaan aqoon, waa arin wanaagsan oo ka qaybqaadanaysa isdhaxgalka dhalinyarada iyo iskuxirnaantooda iyo wax wada qabsigooda ay ku kala faaiidaysanayaan aqoonta dhaxdooda ah, ay ku baranayaan taariikhda dhulkooda Hooyo “Ayuu yiri Maxamad Yuuusuf Jaamac
Sidoo kale Maxamad Yuusuf waxaa uu ugu baaqay shirkadaha iyo ganacsatada gobolka mudug inay idaacada ka teegeeraan barnaamijkan qiimaha ugu fadhiya dhalinyarada gobolka ,isagoo sidoo kale mahad ballaaran ujeediyay guddiga garsoorka ee barnaamijka hagaya inta uu ka dhamaanayo .
Munaasabada ayaa waxaa inti ay socotay la sameeyay qorituurka sida ay iskugu aadayaan xaafadaha barnaamijkan ku tartamaya iyadoo la sameey saddax Group oo ay ku jiraan groupkiba afar laamood
Group A Group B Group C
Horumar laanta 2aad Garsoor 4aad Horumar Laanta 1aad
Garsoor Laanta 1aad Israac 3xaad Garsoor Laanta 3xaad
Israac Laanta 4aad Dalsan(Wadajir) Garsoor Laanta 5aad
Israac laanta 2aad Israac Laanta 5aad Garsoor Laanta 2aad
Tartanka habeenka ugu soo horeeya ayaa waxaa uu dhaxmari doonaa labada xaafadood ee Horumar 2aad VS Garsoor Laanta 1aad
Dhalinyarad Magaalada Gaalkacyo ee ka qaybgalaysa barnaamijkan ayaa siwayn u soo dhaweeyay Tartan aqooneedkdkan ay qanbanayso Idaacada Radio Gaalkacyo iyagoo mahad balaaran u jeediyay idaacada iyo guddiga garsorka ee barnaamijka
Tartan aqooneedka bisha Ramadaan ee ay qabanayso Idaacada Gaalkacyo ayaa socon dono inta lagu jiro bisha ramadaan waxaana habeen walba 08:50Pm fiidnimo uu ka bilaaban doonaa Idaacada iyadoo Xaafada ku guulaysatana ay heli doonto abaalmarino kala duwan oo loogu talagalay.