Siyaasiga C/laahi Sheekh xasan oo ka soo horjeestay go’aanka gudiga shirka dib u heshiisiinta.
Mogadishu,8, August 2007 (HornAfrik Media)
Siyaasiga c/laahi sheikh Xasan oo ka mid ah ergooyinka beelaha Hawiye ee ka qeybgalaya shirka dib u heshiisiinta ayaa ka soo horjeestay go’aanka gudiga shirka ee ahaa in loo gudbay wajiga labaad ee shirka oo ah siyaasad.
c/laahi sheeekh Xasan oo hadal ka jeediyay shirka dib u heshiisiinta beelaha soomaaliyeed ayaa waxaa uu sheegay in la iftiimiyo 2,000 ergooyinka shirka isagu yimid sida loo qeyb saday maadaama ay wali jiraan xubno katirsan beelaha Hawiye oo shirka ka maqan isagoo ugu baaqay beesha Hawiye hadii ay khilaafsan yihiin shirka iyo hadii kaleba ay ka hadlaan go’aankooda rasmiga ah.
Waxaa uu soo hadal qaaday siyaasigu warkii uu soo jeediyay gudoomiyaha shirka dib u heshiisiinta beelaha Mudane Cali Mahdi oo ahaa in loo talaabsaday dhinaca siyaasasda islamarkaana laga gudbay qodobkii ahaa xalinta dhibaatooyinka beelaha dhexdooda waxaana uu ku tilmaamay c/laahi sheikh xasan hadalkaasi mid aan wax macna ah ku fadhin.
“,Aniga hada iima muuqato siyaasiin fadhisa shirkaan marka waa inaan wax laga bedelin mana ahan in ergooyinka wax loo meeriyo idinkuna ma i hidin dad u bisil in lala hadlo hadii ay saas tahayna shirkaan waxba ka soo bixi maayaan”, sidaani waxaa yiri C/laahi sheikh xasan oo kuleyl daran uu ka muuqanayey maanta.
waxaana uu banaanka uga baxay madasha shirka in kastoo uusan goobta oo dhan ka tagin
Gudoonka shirka oo ay ka muuqanaysay in aysan ku qanacsaneyn hadalka ka soo baxay C/laahi sheikh xasan ayaa iyagu horay u sheegay in loo gudbay qodobka siyaasada islamarkaana la xaliyey arrimihii beelaha.
Shirka dib u heshiisiinta beelaha ayaa waxaa soo baxaya dhaliilo fara badan oo ku aadan qaabka shirka iyo waliba ergooyinkii shirka ka qayb galay oo aan la dhacsanayn shirkaasi.