Qaar ka mid ah Odayaasha Gobolada Jubooyinka oo soo dhaweeyay Dadaalada uu Kismaayo ka wado Barre Hiiraale
Beerdhiga 03.04.2008 10:00
Odayaasha Dhaqanka gobolada Jubooyinka ayaa waxay soo dhaweeyeen dadaalada ay wadaan Xubno ka tirsan ka tirsan Baarlamaanka DFKMG ah ee la shaqeeya gumaysiga tioobiya kuwaasd oo uu hor kacayo Barre Hiiraale.
Barre Hiiraale ayaa maalmihii ugu danbeeyay waxaa uu ku sugnaa Magaalada Kismaayo ee xarunta Gobolka J/Hoose waxaana safarkiisa ku waheliyay 3 xubnood oo ka tirsan Baarmalamka la shaqeeya gumaysiga oo ay isku beel yihiin isla markaana waxay kulamo kala duwan la qaateen Odayaasha Dhaqanka iyo Siyaasiyiinta Gobolka J/Hoose.
Kulan ay Daraal wada qaateen xubnahay uu hor kacayo Barre Hiiraale iyo Odayaasha Beelaha Dega Gobolka J/hoose waxayna odayaashu soo dhaweeyeen Dadaalka uu wado Hiiraale ayaga oo ku baaqay in la iska ilaabo wixii la soo maray 17 sano ee laga soo gudbay isla markaana la samata bixiyo Shacabka Soomaaliyeed gaar ahaan kuwa ku dhaqan Goboka J/Hoose ayada oo ay qaar ka mid ah odayaasha dhaqanku ku eedeeyeen beesha uu ka soo jeedo Barre in ay si gaar ah u maamusho dhaqaalaha ka soo xarooda Dekedda iyo Airport ka magalada Kismaayo.
Barre hiiraale oo ka war bixinayay u jeedada ay u soo gaareen magaalada kismaayo ayaa waxaa uu ku macneeyay safarkiisa in uu ka shaqeeynayo dib u heshiisiin dhex marta Beelaha Gobolka J/Hoose kadibna ay dhistaan Maamul goboleed ay yeeshaan goboladda Jubooyinka.
Barre Aadan Shire Hiiraale ayaa waxaa uu ka talinayay Magaalada kismayo laga soo bilaabo sanadkii 1999 ilaa laga soo gaaro sanadkii 2006 markaas oo uu kismaayo isaga baxay kadib markii ay ciidamadii Maxkamada Islaamiga Soomaaliyeed u ruqaansadeen Dhinaca Gobolada Jubooyinka taas uu suurta galisay in maamulka kismaayo uu gacabta u galo MMIS oo halkaas ka talinayay ilaa bilawgii sanadkii 2007 markaas oo ay kismayo la wareegeen Ciidamada gumaysiga Itoobiya iyo kuwa la shaqeeya oo uu Barre horkacayay.
http://www.beerdhiga.org/index.php?acti ... =1&id=3061