Soomaali Baan Ahay.

Arimaha Hadda Socda

Moderators: Moderators, Junior Moderators

Soomaali Baan Ahay.

Postby zingii » Sat May 18, 2013 8:22 am

Waa gabaygii abwaan Cabdiqaadir Xirsi Yamyam.
Alle ha u naxariisto abwaankii abwaanada. aaaamiiiiin

Waqtiyada socdaalka ah
Ayaamaha silsidda ah
Xilliyada bal suuree
Soojire haddaad tahay
Sadarrada dib ugu noqo
SOOMAALI WAA KUMA?

Sinnaantaan la magac ahay
Sanku-neefle ma oggoli
Inuu iga sarrayn karo
Anna garasho sogordahan
Sooryo ruux ugama dhigo
SOOMAALI BAAN AHAY

Ninna madax-salaax iyo
Kama yeelo seetada
Sasabada ma qaayibo
Sirta waxaan iraahdaa
Saab aan biyaha cellin
SOOMAALI BAAN AHAY

Dabayshaan la socod ahay
Salfudeydna uma kaco
Waabay sunaan ahay
Marna samawadaan ahay
Samir baan hagoogtaa
Soomaali baan ahay

Inkastoon sabool ahay
Haddana waan sarriigtaa
Sacabada ma hoorsado
Saaxiib nimaan nahay
Cadawgayga lama simo
SOOMAALI BAAN AHAY

Socdaalkaygu waa meel
Sahaydaydu waa dacar
Soohdintaydu waa caan
Seeftaydu waa cudur
Naftuna geedka iga suran
SOOMAALI BAAN AHAY

Nin i sigay ma nabad galo
Nin i sugayna maba jiro
Libta weli ma sii dayn
Gardarrada ma saacido
Nin xaqlana cid lama simo
SOOMAALI BAAN AHAY

Nabaddaan u sahanshaa
Colaaddaan ka selelaa
Sooma jeesto goobaha
Ninka nabarka soo sida
Gacantiisa kama sugo
SOOMAALI BAAN AHAY

Ninkaan taydu soli karin
Uma yeelo suu rabo
Sida dunida qaarkeed
Ninna kabaha uma sido
SOOMAALI BAAN AHAY

Ninka iga sed roonow
Siintaada magaca leh
Ogow kaama sugayee
Hana oran �sasabo bedow�
Dareen seexda ma lihiye
SOOMAALI BAAN AHAY

Saan la kala jaraan ahay
Summadi ay ku wada taal
Rag baa beri i saanyaday
Anoo xoolo soofsada
Xil midnimo anaa sida
User avatar
zingii
SomaliNet Super
SomaliNet Super
 
Posts: 9928
Joined: Thu Sep 11, 2008 2:43 am
Location: Agah, Arlee, Boowe, Gaw, Nooh.

Re: Soomaali Baan Ahay.

Postby AgentOfChaos » Sat May 18, 2013 8:38 am

:up:
User avatar
AgentOfChaos
SomaliNet Super
SomaliNet Super
 
Posts: 6769
Joined: Mon Aug 01, 2011 2:41 pm

Re: Soomaali Baan Ahay.

Postby Ismail87 » Sat May 18, 2013 8:49 am

Gabay - Soomaali Baan ahay

Inkastoo sabaanadan                            
saranseer lasoo maray
amu soomalhaadiyo                            
jiray saxal Rabbaaniya
amay saar xanuuniyo                          
suruc inagu raageen
ummaduna sax iyo khalad                
kala saari waayeen
ma saluugo midabkiyo                          
sinjiga iyo magacoo
Soomaali baan ahay                   
ummadaha la siman eey

salka ugu shisheeyee                        
Eenefdhii ku simaniyo — (NFD)
saaca Koonfureedoo                          
saaciido taalliyo
sintaa Bari Galbeedkiyo                        
sabarrada Waqooyiga
ummadaa ku siman ee                          
siqiir iyo kabiirba leh
kala sooci maayoo                              
way wada sookeeyoo — (waa ii wada sokeeye oo)
Soomaali baan ahay                              
an seeraarin karine

inta sawracaygiyo                                  
sawirkayga aragtiyo
intii sax ii tiqiinee                                  
hore iila socotiyo
inta sawdku gaadhee                            
suugaanta maqashiyo
inta soofka raacdee                                
baadiyaa ku sugan iyo
inta saraca beertee                                
wax-soo saarka barataba
salaan baan u dirrayaa                          
iyo sacabo furane

waddankanan dulsaarrahay              
sadkiisana ku noolahay
ay Sawjaddaydiyo                                  
sabigaygi joogaan
ifka intan ku suganee                            
saamuhu jiraan iyo
naftu goortay socotee                          
iilka layna seexsashaba
dani seeta weeyee                                
saldhiggeeni waa kano
sankaan uga daloolaa                          
Soomaalinimadaa

sawdkaan aqaanaa Soomaali weeyoo
sinjigayga dhalashadu Soomaali weeyoo
samayskayga Aadane Soomaali weeyoo
ruuxaan salaamaa Soomaali weeyoo
sad waxaan laquutaa Soomaali weeyoo
saaxiib waxaannahay Soomaali weeyoo
gogoshaan ku seexdaa Soomaali weeyoo
cagta meeshan saarraa Soomaali weeyoo
jidhka meesha lay saraa Soomaali weeyoo
ma oggoli safaadkiyo kala soociddoodaa!

hayeeshee wax baa si’ah                    
kulli shay’an sababba ah
Saadirkeennu yidhiyoo                      
suuradaa ku taaloo
siciidkiiba shiqibkaa                            
saddexlaab ka badanoo
waddankii saruu kacay                        
sumcaddana ku horemaray
inuu haatan seeriyo                              
sagxad iyo daleel tago
soo maaha saldanaddi                        
saboolnimo la dhaafsaday?
Soomaali baan ahay                              
siifallana ma galinee

qabiilkii la saacidee                              
saxansaxada loo filay
sahayduu dhalaayaa                            
ma sun baa ma daawaa?
goortaad wuxuu sido                            
saadaalin weydeen
saxariir adduunyiyo                            
seegitaanka aakhiro
saw ma naqon dad-weynow              
labadaa siyaabood?
si kastoo la yeelana                                
isa seegi maynoo
Soomaali baan ahay                              
sarrif kuma galaayoo

subacyadii kaleetiyo                          
“saaxirkii” gumaystaha
saanyaday dhulkeenee                        
shanta saab ku kala riday
iyadoo sidoodii                                      
Saddex wali ku maqan tahay
Labadii ka soogsade                            
saan-caddaalihii riday
Labadii suminniyee                              
shilinka isla soo baxay
saafsaaf dambeetiyo                            
in sanaati loo rogo
sheekada siqiirkay                                
wadaan saan-madoobuhu
waa sagaaro kurus liyo                        
sacab timo ka baxayoo!
saddex magac ilaahay                          
kama siisanaayoo
Soomaali baan ahay                              
runta kama sinaysto

markii sabanu jaahili                            
dadka lagu sifayn jiray
samaantiyo xumaatadu                      
dadku uma sinnaynoo
sah qabyaaladeedoo                            
saameeya majirinoo
sokeeyihiyo xididkaa                            
fara siman ahaayoo
martidoo la soorraa                              
waajib sarre ahaydoo
saska iyo jidh-diiddada                        
sidan kuma ahaynoo
gobonimo sal adagaan                          
suulin baa u tiillayoo
samir iyo dulqaadiyo                            
sarriib buu ahaayoo
Soomaali baan ahay                                
sooyaalki jecelee

safafki waayo-araggii                              
ama soojireennadi
sayn-caddaadiyaashii                            
sidriguu fiyoobaa
wixii aan su’aaliyo                                    
jawaabtay i siiyeen
sida daacadnimaday                              
farta iigu saarreen
iimaan sal la hahiyo                                  
saddaqdu ban ku raacoo
Soomaali baan ahay                                
ka saxeexan dunidaa

sifihii xorriyadiyo                                  
calankeena saxardiid
sakarraatul mawdkiyo                          
saxariirki loo maray
safafkii gumaadmayey                          
sik-kiimeen cadaawuhu
intee bay siqiir iyo                                  
sabi aynu leennahay
sidii xoolahoo kale                                  
sayladaha ka iibsheen?
intee sigatay waayadi                            
saxariirtay goorii?
Anaan wada sarsari karin                    
kumanyaalki sababood
dadkii suubbanaayee                            
salafkiyo dhibkaa maray
saagootis iyo duco                                  
umaynaan saj-jalinoo
naftooday u sababeen                            
abaal lagama siinino
Ansa saydhi maayoo                              
ka sagsaagi maayoo
Soomaali baan ahay                                
waana ii sajalantee

taariikhda solinki’i                                  
waxa aad sabbaysaba
kuniyoo sagaal boqol                            
sannadii lixdamadii
soohdimii xidhnaan jiray                    
markay laba sifoobeen
isu soo bixii iyo                                        
saaccaday is raaceen
isma odhan sansaankii                          
sifir buu ku noqonoo!
Soomaali baan ahay                                
sidi-dhibiqle necebee

ummadoo samaan iyo                          
saamaxaad ku wada nool
suntii lagu abuuriyo                                
sirtii shicibka loo dhigay
markay saaqday beladay                      
sambabada u geliyeen
salka-geeddigii qaxa                                
soohdimaha la kala xulay
kuwii soofsadee Yurub                          
sakatiggi la’aadiyo
saf Ameerikaan iyo                                
Oroba u sadcaamiyo
Afrikadan sinteena’a                              
dantu waxay u sahashaba
wali saacad meel kale                            
siyaaro uma teginoo
Soomaali baan ahay                                
dhulka saakin ku ahaa

sabaan aakhirkeenniyo                        
ilbaxeeni saayidey
siifad iyo shar mooyiye                        
siinad lagama dheefine
saad waxaad ka dhigatiyo                    
sahaydaan dhammaanayn
aadmiga sal iyo baar                              
nabad baw sariir oo
Rabbi wuxu ku siiyaan                            
sina looga maarmayn
iyo samafalkoo idil                                  
iyadaa u sidatoo
sadeeqadiyo raaxada                            
sal-dhiggooda weeyee
saxansaxo udgoon iyo                          
soo noqo bishaaroy
soo haabo barakiyo                                
sagal caafimaadow
suuskiyo munaafaqa                              
Rabow soo hadeeyoo
haddii kalena naga saar                        
sadhayntiyo sharkoodoo
Allahayow na samo yeel                        
isuna kaaya sakhiroo
ku salliya Rasuulkii  (scw)                      
Rabbinaw sujuudoo
saamaxaadna kala hela                          
waa sidaa danteenuye

By Abwaan Jaamac Kediye
User avatar
Ismail87
SomaliNet Heavyweight
SomaliNet Heavyweight
 
Posts: 2342
Joined: Mon May 06, 2013 7:53 pm
Location: Buhodle

Re: Soomaali Baan Ahay.

Postby AgentOfChaos » Sat May 18, 2013 8:52 am

Walle gabay waa kan iyo mid aan jirin. :up:
User avatar
AgentOfChaos
SomaliNet Super
SomaliNet Super
 
Posts: 6769
Joined: Mon Aug 01, 2011 2:41 pm

Re: Soomaali Baan Ahay.

Postby Gantaal05 » Sat May 18, 2013 8:56 am

Puntlander baan ahaya :blessed: Image
User avatar
Gantaal05
SomaliNet Heavyweight
SomaliNet Heavyweight
 
Posts: 1184
Joined: Wed Apr 25, 2012 6:18 pm
Location: Migiurtinia

Re: Soomaali Baan Ahay.

Postby AgentOfChaos » Sat May 18, 2013 8:59 am

Gantaal05 wrote:Puntlander baan ahaya :blessed: Image


Soomaali oo dhan bay sheekadu maraysay ee xagee inoo kala gurguraysaa? :mindblown:
User avatar
AgentOfChaos
SomaliNet Super
SomaliNet Super
 
Posts: 6769
Joined: Mon Aug 01, 2011 2:41 pm

Re: Soomaali Baan Ahay.

Postby Ismail87 » Sat May 18, 2013 9:12 am

Gantaal05 wrote:Puntlander baan ahaya :blessed: Image


What a xoolo :mindblown:
User avatar
Ismail87
SomaliNet Heavyweight
SomaliNet Heavyweight
 
Posts: 2342
Joined: Mon May 06, 2013 7:53 pm
Location: Buhodle

dagan (US)
ubah4 (GB)
Hawee (GB)
Amimo (CA)
saali (US)
hayeh (US)
adanm (GB)
samat (MT)

LOGIN TO HIDE THIS BLOCK

  • Similar topics
    Replies
    Views
    Last post

Return to General - Current Events

Who is online

Users browsing this forum: No registered users and 2 guests