Quotes from Ogaden Poetry

[Seedyare]

roodo afjano oo gabay ku karbaashtay Tigreegii nabsigu jiidhay

Wayyaanaha halagaa ku dhacay ,hiilla ii noqoye
Hanka jabay hammiga bururay, hadurka soo oodmay
Hawo-gaabsigaa soo wajahay, waa hal aan rabaye
HAAKAALE iyo BAGA Tigree, hagabsi dayn waaye !

[Seedyare]

jawaabtii uu kaadheeri siiyay abwaan Mjeerteen oo Ogadeen kusoo caayay gu.s wayni

Wax la yidhi liciib kii is bida , laacib sare jooga
Waligii lur buu kororsadaa, laxaw ku raagaaye
Luga joogsan waayaa mar bay, liimbadaan halis e
Afkaan lala xishoonini mar buu, lulub cantuugaaye
Luudigaa tilmaantiyo dhalfadaa, tidhi lug geel weeye
Waa xubin rag wada leeyahoo, waa lud qaaliya e
La'aanteedna wiil lama yidhaa, waa labood sare e
Haday tiiinu kor u laalantooy, dumar lilayn wayday
Ani taydu waa luul baxoon, lacagi gooynayn e

[Seedyare]

cabdi gorod

Dul qaboobe nimankaa degiyo Doollo iyo Ciidba,
Dirqi yaa ku rari waa sidii, duudka Aw-Belede

[Seedyare]

mid ka mid ah murti suugaaneedkii Dhoodaan

Dhagax se taabashiyo tuujin iyo, inaad tantoomayso
Saddexdaa midaad ula tagtaa, waa isugu taag e
Nin wixii la toosani mid buu, tuur la leeyahaye
Oo waanada abuurkaa tirtira, oo ka tabar roone

[Seedyare]

Fidhin oo sarbeeb cajiib ku karbaashay Cabdi ilaygii umada juujuubka iyo jarriimada ku naafeeyay.

Dhaameel hasheedii ninkii, iga dhacee qaatay
Iyo kii soo dhiciyay ee, dhiig wadani qaaday
Siday iigu kala dheeryihiin, iigu dhigan buuga

Dhallaankayga kii ila korshee, ila dhaqaaleeya
Iyo kii ka dhamay caanihii, een dhita u reebin
Siday iigu kala dheeryihiin,iigu dhigan buuga

Dhubbadaan ku taagnahay midkii, dhuuxa kala jeexa
Iyo kii gacmaha ii dhigee, dhicidda ii diida
Siday iigu kala dheeryihiin, iigu dhigan buuga

Dhulkanaga dhankiisaw halgame, taagan dhinacayga
Dhambaal qore aduunyada dhex dhige, dhab uga sheekeeye
Iyo kan i dhagraayee indhaha , dhoobo iga saara
Siday iigu kala dheeryihiin, iigu dhigan buuga

[Seedyare]

cisman khaliif xarbi oo maahmaayo ku gabyay

Dadka qaar DADAN buu dhashaa, qaarna DAALACANE
Qaar baa haday doob dhabahayaan,aan dan loo gelin e
Qaar baa haday kuu ducayn ,ay dareen tahay e
Dab munaafaq shiday wuxuu gubaa, muumin daacad ah e
Ninkii dilay naftaadii ,ileen kuma dayo hoos e
Dakaniyo nabsigaad gashana, waad mid kuu daran e

[Seedyare]

gubaabadii Jaamac Labi

Nin heeryada guumaysiga dugsaday oo, dacayda hoogaanshay
Inuu haykal nololeed helaa, waa habeen tagaye
Ninna se hadyad kuma soo gashiyo, hawl yaraan subax e
Hubka qaata oo heegan gala , waan halgamaynaaye
Haba-yaabi maynee dagaal, hoosta ka xariiiqa
Habar iyo habeenkeed ninkii, hadhina yeelkiisa

[Seedyare]

khadar colaad oo karbaashayaa duqa somali hagardaamadeeda u nool.Waa inaa heblaayo geella jabuuti xuurta ku haysta .Dallaalka wayn ee geeska Afrika ee Somalida oo dhan lugaha u galay

Laalays caanihii laga lisiyo, limidka ciidayda
Ee kii lahaa luuman eed , laaci waa qalad e
Waligaa lahaystaa tihiyo , tuug laxaamadan e
Laangaab lifaaq foolxun oo, Leeysiyaa tahaye
Hadaad sharaftii laasheenna ,waan kula lisaynaaye

Ninkii labac ku fanaa mar bay, luguhu dhuubnaan e
Kii Ladnaanta hayn waaya ,wuu lulan abaalkiiye
Waayahan lurkaagaa batoo , waabad lulataaye
Kuwii lulinta fuul ku yidhi, wayku lumiyeen e
Kolla leefi mayside cidlay, kugu lugooyeen e

[Seedyare]

abwaan ku shihiiday dagaalkii uu tigreega la galay.Abwaan DHagaca-cade ilaahay ha u naxariisto isaga iyo dhamaan ragii kalee shhiiday

Nabad kuma caweeyoo ileen, waan colaadsamaye
Laba ciidan mid uun baan rabaa, inaan la ciidaaye
Car-ceerradii shihiidoo janada, lagu casuumaayo
Iyo cimrigay in loo gaadha oon , calanka hoos joogo
Labadaa mid uun calafsadaan, sii cabirayaaye
Wax kaloon u ciil qabo ma jiro , caawa saan ahaye

[Seedyare]

Abwaan cabdullahi badal cabdi Qamaan qeexayaha waxa keena hardanka iyo loolanka rag isku maan dhaafo

Shanta qaaradood waxaa ka riday, qayladiyo buuqa

Waxaa qamarka guudiyo hawada, qaraxa loo saaray

Waa quud nin haystiyo mid raba, inuu ka qaataaye

Ama qaab uu gumaytuhu bartiyo, waa qoqoba riixe

[Seedyare]

Cuamr Cabdillahi Ciise (Fakad)



Dinaahada libaaxaba dhurwaa, wuu ka didayaaye

Dugaag kale masoo galo halkii, aar dangiigsado e

Daryaankiisa feedhaha ka bixi, laysku deyi waaye

Dacaladda waxay uga maraan, waa dilaa-nimo e

Anna waxa dareeriga galaan, daw ka laliyaaye

Danabkayga meeshaan ku rido, waa duqayn jiraye

[Seedyare]

murtidii rug-cadaa GANDAAL




Warka hoo waxaan kuu qaddimi, waa wareegtada e

Wax la yidhi ninkii waalane ah, waabiyaa hela e

Wiyil gama’san kii toosiyuu,, galay wadkiisiiye

Cagtii wiririg-laysaa xumay, walam tidhaahdaaye

Wan illaa la gawraco indhuhu, koru ma weecdaane

Dhagihii Illaah waaniyaa, yeela wax u roone

[Seedyare]

Qaryaan DHoodaan

Qof walaalkii gaday meel shishaa, laga ganaaxaaye

Gacal uu xigaalkood hagraday, gocosho dayn waaye

[Seedyare]

murtidii iyo gubaabadii kaadheeri

Midnimaa dhurwaa lagu eryaa, maati kaa dhiba e
Dhammaantiin is kaashadoo kufriga, dhan uga soo jeesta
Ku dhiirada dagaaal dhaba xaq waa, lagu dhaqaaqaaye

[Seedyare]

heelaale baa ka daba qaatay Dhoodaan oo dhawr gabay oo Qaryaanku lahaa isna PART 2 kasoo saaray .Waxaana gabayadaa ka mid ah GARDARRO iyo SHAAMAREER.Helaale wuxuu sheegayaa inuu Dhoodaan ahaa abwaankii qarniga ,waa ra,yigiisa balse dad badan baa la qaba kadib markay dhaqaysteen xulub--socod,dhugasho ,Gardarro,Garnaqsi iyo Ergo Darood iyo waliba kuwa kaloo badan.


heelaale gabaygiisii GARDARRO sidan baa ku jirtay qaybaha billawga

Qarbud-jecel inaa tahay maslaxo, lagala qiil waayay
Abwaankii qarniga ee murtida , qaadir ugu deeqay
DHOODAAN bay ku wada qeexan tahay, qodobadiisiiye
Asagaa xumaantaadii qoray, oon ka tagin qaybe
Anigana wuxuu kugu qiraan,qaar kusii dariye