SomaliNet Online Library

SOMALINET MAGAZINE ...Archives...

CAYAARAHA - SENEGAL OO GUUSHII UGU HOORREYSAY U HORSEEDAY KOOXAHA AFRIKA


Kooxda kubbadda cagta ee Senegaal ( Afrika) ayaa guushii ugu horreysay la kulantay ciyaartii furitaanka ee koobka adduunka kaddib markii ay 1 iyo 0 uga adkaadeen kooxda haysata horyaalnimada koobka adduunka ee France.

Ciyaaryahan Papa Bouba Diop (Senegal) oo kooxdiisa u ansaxiyay goolkii guusha.

Ciyaartani oo ahayd mid farsamadeedu aad u heer sarreysay ayay kooxda reer Senegal waxay ku soo bandhigeen ciyaar runtii aad u qurux badnayd taasi oo aad uga yaabisay kooxda horyaalka ee france oo iyadu la yaab ku noqotay guuldarradaasi ku habsatay.
Dalka senegaal ayaa isagu ah markii ugu horreysay ee uu ka qayb galo tartanka ciyaaraha koobka adduunka, waxaana u rajaynaynaa guulo intaasi ka badan. Sidoo kale kooxaha kale ee Afrika ka socda ayaa caalamku wuxuu ku hayaa indho gaar ah iyadoo indhaha lagu eegayo kulammada ay ciyaari doonaan.

Kooxda waddanka Cameroon ayaa iyaduna si sharafle u difaacday qaarada Africa markay dhaliyeen barbardhac la galeen kooxda waddanka Ireland. Goolka ay dhaliyeen Cameroon ayaa keenay in labadii gool oo ugu horeeyey oo la dhaliyey ay dhaliyeen waddamada matalaya Africa.

Africa ayaa sannadkan waxaa matalaya Senegal, Cameroon, Nigeria, South Africa iyo Tunisia.