Residents warned to leave MOGADISHO!!!!

[Somaliman%]

MUQIDSHO: Kooxo aan la garanayn oo ku daadshay waddooyinka Muqdisho qoraallo ay shacabka ugu digayaan
Posted to the Web Feb 14, 14:23


Muqdisho (PP) – Kooxo aan la garanayn ayaa qoraallo ay shacabka ugu digayaan ku daadshay waddooyinka Magaalada Muqdisho, waxaana qoraalladaas oo aysan cidi ku saxiixnayn lagu sheegay in shacabka ay Muqdisho isaga guuraan.



Kooxaha hanjabaadaha kala duwan sameeyay ayaa waxay sheegeen in shacabka ay u sheegayaan inay isaga baxaan caasimadda muddo gaaban gudahood iyagoo sheegay inay doonayaan inay dagaal hubeysan la galaan Ciidammada Ethipian-ka ah ee ku sugan Muqdisho iyo hareeraheeda.



Warqadahaan la daadshay ayaa waxaa sidoo kale lagu sheegay inay dhici karaan in dagaalka ay la galayaan uu noqdo mid madaafiic, isla markanaa ay shacabka uga digayaa inay ku dadaalaan inaysan waxba gaarin oo ay magaalada isaga baxaan.



Qoraalkaan oo ahaa mid ku qornaa warqado aad u yaryar ayaa waxaa magaalada ku daadshay kooxo wata gaari yar oo nooca raaxada ah, waxaana shacabka ay ku tilmaameen warqadahaan inay yihiin kuwo lagu cabsi gelinayo shacabka isla markaana ay ka dambeeyaan kooxo tuugo ah oo doonaya inay bililiqo ugu dhaqaaqaan guryaha Shacabka.



Dadweynaha Muqdisho ayaa waxay ku guulaysteen inay iska dhiciyaan kooxaha habeenkii ka rida xaafadahooda inay iska dhiciyaan, taasoo sababtay in xalay Magalaada Muqdisho ay noqoto meel aanay ka dhici weerarro madaafiic.