look at dhabadhilifs standing up and the xabashi general sitting down. disgusting
http://afnugaal.com/ktmllite/images/upl ... 0859791678
Ma dhabaa In Khilaafkii Madaxda Milatariga Iyo Booliska KMG Uu Dhex-galay Gabra (Daawo Sawiro)
Warkii 25-May-2007 iyo Qormadii: faytin yare
Khilaaf xoogan ayaa dhowaanahanba ka dhex jiray masuuliyiinta kala haysta ciidamada milatariga iyo kuwa booliska dowlada KMG ah kaasoo ka dhashay xalinta amaanka caasimada muqdisho oo ay ciidamada qaarkood ay amaanka khal khal geliyeen islamrkaana ay baaritaan iyo dhac u gaysteen dadka shacabka ah.
Dadka shacabka ah ee ku dhaqan magaalada muqdisho ayaa tiro ka dhowr jeer ah cabasho xoogan ka muujiyey dhaca ay u gaysanayaan ciidamo qaba dharka loo yaqaano tuutaha oo lagu yaqaano ciidamada milatariga dowlada KMG ah,islamrkaana keentay khilaaf mudo soo jiitamayey oo kala dhex galay masuuliyiinta ay hoos tagaan ciidamadaasi oo kala ah gen,cabdi xasan cawaale qaybdiid oo ah taliyaha ciidanka booliska soomaaliyeed iyo weliba wasiir ku xigeenka wasaarada gaashaandhiga salaad cali jeelle .
(taliyaha ciidanka booliska soomaaliyeed dhexda ..salaad cali jeelle midig gen,gabra oo fadhiya dhinaca midigta )
Sidoo kale khilaafkan u dhexeeyey ciidamada qalabka sida iyo masuuliyiintooda oo ahaa mid ay dhowr jeer isugu qalab qaateen islamarkaana laga cabsi qabey inuu dhaliyo dagaal ka dhex qarxa ciidamada dowlada dhexdeeda ayaa sida ay sheegayaan warar xog-ogaal ahi waxaa dhex-dhexaadin ku aadan aritaan sameeyey Gen,Gabra oo ah taliyaha ciidamada xukuumada Ethiopia ee dalka ku sugan .
Gen,Gabra oo sida qaalibka ah ay ka amar qaataan masuulyiinta dowlada KMG ahi ayaa ka qayb qaatay arintan khilaafka dhalisay islamarkaana la sheegay inuu isu soo dhoweeyey labadaas kooxood ee ciidamada booliska iyo milatariga taasoo lagu dhawaaqay in laga bilaabo maalinta jimacaha ay ciidamada boolisku la wareegaan amaanka caasimada muqdisho .
Si kastaba ha ahaatee arintan ayaa kusoo beegmaysa xili amaanka magaalada caasimada ah ee muqdisho uu kasii darayo islamrkaana ay dhac boob u gaysanayaan shacabka ciidamo ku lebisan dharka milatariga ,taasoo ay dadka shacabka ahi aragtiyo kala duwan ka bixiyeen halka qaarkoodna soo dhoweeyeen ,qaar kalena ku tilmaameen inay caasimada muqdisho uu ka taliyo gen,gabra .
Yaasiin maxamed cali (faytin)
yaasiinfaytin@hotmail.com
info@afnugaal.com
