BREAKING NEWS 10 BOMB ATTACKS IN MUQDISHO CAAWA

[Hiiraan boy]

Qaraxyo xoogan oo si teel teel ah uga dhacaya Muqdisho, iyadoo bandow uu ka hirgalay
Qaraxyo xoogan oo si teel teel ah uga dhacaya Muqdisho, iyadoo bandow uu ka hirgalay

Click here to find shabelle news in English

Mogadishu 22, June.07 ( Sh.M.Network) Iyadoo Bandowgii dowladda KMG ah ay ku soo rogtay magaalada Muqdisho uu caawa 7dii habeenimo ka hirgalay caasimadda Somalia ayaa hadana waxaa la maqlayaa qaraxyo xoogan oo si teel teel ah uga dhacaya qeybo ka mid ah magaalada Muqdisho.

Ilaa iyo haatan inta la ogyahay in ka badan 11 qarax oo xoogan ayaa ruxay qeybo ka mid ah magaalada Muqdisho, iyadoo qaraxyada ay yihiin kuwo si teel teel ah u soconayo oo mararka qaar la maqlayo, lamana garanayo waxa ay yihiin iyo cidda lala beegsanayo.

Sida ay sheegeen dadka deegaanka Huriwaa , Labo ka mid ah qaraxyadaan ayaa waxa ay ka dhaceen inta la og yahay agagaarka warshadda Baastada oo fariisin u ah ciidamada Ethiopia, lama soo sheegin wax qasaaro ah.

Sidoo kale mararka qaar ayaa waxaa la maqlayaa rasaas xoogan.

Waxaa adag in xog dhab ah laga helo goobaha ay ka dhacayaan qaraxayadaan, iyadoo ay ku adag tahay suxufiyiinta in ay banaanada aadaan, ka dib markii ciidamo ka tirsan dowladda KMG ah lagu arkay wadooyinka markii bandowga uu bilowday caawa 7 dii Fiidnimo.

Dad badan oo nagala soo xiriirey xaafado ka mid ah Muqdisho ayaa waxa ay inoo sheegayaan in ay maqlayaan qaraxyo, iyagoo walwal ka muujiyay sida ay wax u socdaan.

Lama oga qasaarah ay geysteen qaraxyadaan wali ka dhacaya caasimadda iyo halka si rasmi ah loola beegsanayo.

Qaraxyadaan ayaa waxa ay ku soo beegmayaan xilli Bandow adag dowladda KMG ah ay ku soo rogtay magaalada Muqdisho, iyadoo Bandowgaasi oo hirgalay caawa 7 dii Habeenimo si weyn looga dareemay caasimadda.

Dhamaan waxaa istaagay isku socodkii dadka iyo gaadiidka markii la soo gaaray xilliga bandowga.

Wixii ku soo kordha kala soco shabelle.net.
Daqiiqado ka dib refresh dheh boggaan si aad ula socoto qaraxyada iyo wixii kale oo ku soo kordha Magaalada Muqdisho