Coll: Barre Hiiraale ‘Colaada Kismaayo waxaa hurinaya qaar katirsan Masuuliyiinta Dawlada’
Warkii 26-Jun-2007 iyo Qormadii: Afnugaal News Desk
Waxaa ka hadlay Coll: Barre Aadan Shirre khilaaf xoogan oo bar yahan danbe ka taagnaa magaalada Kismaayo khilaafkaas oo sababay inay ku naf waayaan dad aad utiro badan kuna dhaawacmaan tiro intaa kasii badan khilaafkaas oo salka kuhaya gacan kuhaynta magaalada.
Hadaba Coll: Barre Aadan Shire Hiiraale oo kusugan magaalada Baardheere ee Gobolka Geddo ayaa waxa uu ka hadlay khilaafkaasi oo hadda sansaantiisa colaadeed si wayn looga dareemayo dhamaanba jubooyinka oo uu si wayn usaameeyay dagaalkii dhawaan ka dhacay deedaankaasi.
Barre: ayaa waxa uu Dawlada KMG ah ee Somalia ugu baaqay inay daacad ka noqoto xallinta khilaafaadka Kismaayo oo si aan eexasho lahayn ay ukala dhex gasho Beelaha isku haya magaalada Kismaayo si xal waara loo gaadho.
Waxa uu intaa ku daray in ay Dawlada KMG ah ay usoo dirto magaalada Kismaayo wasiiro iyo xildhibaano kasoo jeeda deegaankaas si ay ukala dhex galaan Beelahaasi nabadna ugu soo celiyaan magaalada oo ay hadda ka taagan tahay colaad.
Waxa uu si kulul ugu eedayay qaar katirsan masuuliyiinta Dawlada KMG ah ee Somalia oo uu san carabaabin in uu og yahay in qaar kamid ah masuuliyiintaasi ay hurinayaan colaada Kismaayo doonayaana inay aysan nabadi dhicin waxaana uu ugu baaqay kuwaas inay ka waantoobaan oo ay ka shaqeeyaan nabada magaalada.
Hadalkan ayaa waxa uu ku soo beegmayaa xilli maalmihii lasoo dhaafay Colaadi kataagnayd Jubooyinka dagaal qadhaadhna ka dhacay gudaha iyo dibada magaalada Kismaayo daaaladaas oo ay ku nafwaayeen dad ka badan 20 qof ayna ku dhaawacmeen inka badan 40 qof.
Afnugaal News Desk
info@afnugaal.com
