ilaa 8 ruux oo ku dhaawacmay qaraxyo wali ka dhacaya Muqdisho
Click here to find this article English
Mogadishu 12, July 07 ( Sh.M.Network)- 8 ruux ayaa ku dhaawacmay inta la ogyahay qaraxyo ka kala dhacay suuqa Bakaaraha iyo wadada wadada Warshadaha ee magaalada Muqdisho sida ay sheegeen dad goobjoogayaal ah, iyadoo sidoo kale qaraxyo kale ay ka dhaceen Wadada Baar-Ubax, iyo Suuqa Bakaaraha oo wali aan la soo sheegin qasaaraha shaacin.
Qaraxaan ka dhacay wadada Warshadaha ayaa sida uu sheegay Goobjooge Maxamuud yare waxa ay ula muuqatay in uu ahaa miino wadada dhinaceeda la dhigay oo lala eegtay ciidamo ka tirsan dowladda oo wali aan la ogeyn qasaaraha gaaray ciidamada.
Sidoo kale 3 qarax ayaa waxa ay ka dhaceen goordhawd Suuqa Bakaaraha, iyadoo qaraxyadaasi ka dib la maqlay rasaas xoogan oo ay fureen ciidamada dowladda.
Qarixii koowaad ayaa waxa uu ka dhacay busteejada baabuurta Kismaayo ee Suuqa Bakaaraha abaarihii 10:30 Am halka kan labaadna uu dhacay 11:00 Am, iyadoo kan 3aadna uu dhacay abaarihii 11:50 Am. wali lama oga qasaaraha ay geeysteen qaraxa labaad iyo kan 3aad, laakiin qaraxa koowaad waxaa ku dhaawacmay 4 ruux oo sida la sheegay howlo dhismo ah ka waday daar la dhaga dhisyo busteejadaasi.
Qaraxyadaani ayaa waxaa lala eegtay ciidamo ka tirsan dowladda oo halkaasi howlo baaritaano ah ka waday.
Sidoo kale Labo qarax ayaa waxa ay ka dhacday wadada Baar-ubax, iyadoo qaraxaydani ay ahaayeen bam gacmeedyo lagu tuuray ciidamada dowladda iyo kuwa Ethiopia oo halkaasi saakay howl-gallo ka bilaabay halka qaraxa 3aadna uu ahaa Miino ku qaraxday wadada u dhaxeysa Warshadaha iyo Machadka Simad.
Ciidamada Ethiopia iyo kuwa dowladda ayaa waxa ay xireen qaraxyadani ka dib wadada warshadaha iyo wadada 30 ka, iyadoo aanu jirin wax gaadiid ah oo halkaasi maraya, waxaana meelaha qaar loo diiday in ay maraan dadka.
Ciidamada dowladda iyo kuwa Ethiopia ayaa halkaasi ka wada baaritaano.
Qaraxyadaan ilaa saakay dhacay oo gaaraya 6 qarax ayaa waxa ay ku soo beegmeen xilli xalay magaalada Muqdisho ay ka dhaceen weeraro hoobiyeyaal ah oo qorsheysan oo lagu qaaday qeybo ka mid ah caasimadda oo ay ku jirto xarunta Villa Somalia.
Wixii ku soo kordha kala soco shabelle.net
Click here to find this article English
Shabelle Media Network Gedo
E-mail us: info@shabelle.net
