3600 ka tirsan ergadii dib u heshiisiinta Muqdisho oo ku dhawaaqay
Posted August 28th, 2007 by BaraxleySomali 3600 ka tirsan ergadii dib u heshiisiinta Muqdisho oo ku dhawaaqay inuu fashil ku dhamaaday Shirka Cali Mahdi.
3600 ka tirsan ergadii ka qaybgashay Shirka dib u heshiisiinta Muqdisho ee Mudane Cali Mahdi Maxamed hogaamiya ayaa markii ugu horeeysay fagaarayaal ay isugu soo baxeen dadweyne ka sheegay inuu fashil ku dhamaaday Shirkii dib
u heshiisiinta beelaha Soomaaliyeed ee Muqdisho,sababa aysan badankood faahfaahin
Ergadaan oo boqolaal dadweynaha kula hadlay badankood markii ay ku gurya noqdeen goboladii ay ka kala yimaadeen,waxay ku nuuxnuuxsadeen inaysan jirin guulo
iyo dib u heshiisiin lagu gaaray mudadii uu shirka socday,
basle faa-iidada ugu badan ay ahayd isbarasho xubno metelayay beelo Soomaaliyeed oo aan hore isu aqoon,kana kala yimid gobola kala duwan.
Ergada ugu badan ee shirka isaga baxay,lana hadlay dadkooda,waxaa ugu badan ,beelaha Absame,Mareexaan,Rahanweyn ,Dir Koofureed iyo Hawiye.
Gudoomiye ku xigeenka gudoonka shirka ,ninka lagu magacaabo Cabdi Raxmaan Guulwade ayaa qasaaro iyo nasiib daro ku tilmaamay in 2600 ergo ay tib ugu gurya noqdaan goboladii ay metelayeen,iyagoo aan natiijo lagu farxo u sidin dadkooda.
“Waxaan beesha Caalamka u gudbinay in shirka ay ku heshiiyeen beelahii Soomaaliyeed ee is khilaafsanaa,waana wax laga naxo oo qalbi xumo ah,in culu-maa-udiin,aqoonyahano,hogaamiye dhaqameedyo iyo waxgarad kale oo muhiima ay dadkoodii ay dib ugu laabteen goboladoodii iyagoo aan wax natiijo ah oo lagu farxo u wadin dadkooda”sidaa waxaa ku celceliyay Jeneral Cabdi Raxmaan Guulwade oo hadalkiisa laga dhadhansan karay inuu shirka fashil ku dhamaaday oo wax guula laga gaarin.
Gudoomiyaha Shirka Muqdisho ee guuldarada ku dhamaaday Cali Mahdi Maxamed ayaa socdaal aan faahfaahin badan lahayn ,wuxuu ku joogaa Nairobi ,waxaana su-aalo beesha Caalamka ay ka waydiin doontaa guulaha shirka Muqdisho ka furmay 15-ka bishii Luulyo
http://baraxley.com/?q=node/392
LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL
