Part ONE
----------------
Bartilmaameedka WC: Siyaasadda Arrimaha gudaha ee Isbahaysiga dib u xoreynta Somalia 1-aad
Asmara September 2007, Waagacusub.com
Barnaamijka siyaasadeed ee isbahaysiga waxa uu ku qotomaa culays saarida hadba baahida ugu badan ee shacabku ay qabaan waxaase marxaladan uu yahay qorshaha siyaasadeed ee isbahaysiga xoog saarida arimaha soo socda
1-NABADGALYADA IYO XASILOONIDA DALKA
isbahaysigu wuxuu isugu gayn doonaa awoodiisa sidii muwaadinka Soomaliyeed uu u heli lahaa nabadgalyo buuxda oo laysku halayn karo si ay u suura gasho in uu ku noolaado nolol aamin ah taana ay dheertahay xasilooni buuxda oo dalka oo dhan kala gaarta
1-XALINTA KHILAAFAADKA
Waxaa isbahaysiga siyaasadiisa xalinta khilaafaadka Soomaalida dhexdeeda ay tahay in lagu dhameeyo wax walba oo ay Soomlidu kala tabanayso wada hadal iyo is afgarad ku dhisan walaalnimo iyo is jacayl waxaana arinkaa uu isbahaysigu u dhisi doonaa gudi joogta ah oo qabta howshaas iyada ah
2-WAXBARASHADA IYO DACWADA
Isbahaysigu wuxuu dhiiri galinayaa dadaalka ay bixiyeen aqoonyahanka Soomaaliyeed ee isu taagay si ay wax u baraan dhallaanka soomaaliyeed iyo ducaada u taagan habeen iyo maalin sidii ay mujtamaca Soomaaliyeed uga saari lahaayeen baahida ay u qabaan aqoonta diinta iyadoo waliba aanay ku xirnayn wax shuruud ah wuxuuna dhisayaa marka ay suura gasho hay’ado ka shaqeeya kor u qaadida iyo tayaynta waxbarashada iyo dacwada dalka si loo helo mujtamac dhamays tiran
3-GANACSIGA IYO DHAQAALAHA
Isbahaysigu wuxuu u howl gali doonaa dhiiri galinta iyo kor u qaadida ganacsiga xorta ah ee ka jira dalka waxaana la aasaasi doona marka ay suura gasho baanan lagu ururiyo sakada si loogu bixiyo dariiqa ugu mudan.
Xaga dhaqaalaha waxay tahay siyaasada isbahaysiga dhisida kaabayaasha dhaqaalaha iyo abuuris ilo dhaqaale oo wax kabadala guud ahaan nolosha bulsha waynta Soomaaliyeed iyo soo dhaweynta maal gashadayaal shisheeye oo aan wax u dhimayn maslaxada caamka ah.
sidoo kale marka ay suura gasho isbahaysigu wuxuu diyaarinayaa qorshe looga faa idaysanaayo khayraadka dalka bad iyo bariba inshaa ALLAH.
4-CAAFIMAADKA
Isbahaysigu wuxuu u howl gali doonaa wax la qabadka kobcinta iyo dhiiri galinta bahda caafimaadka si kama danbaysta looga haqabtiro bulshada qaybaheeda kala gadisan baahida caafimaad ee ay qabaan taas oo dhabtii u baahan dadaal iyo karti dheeraad ah.
