liqaye what did i told you dont trust these guys a month ago you was happy that samaroon politicians left udub but that was propaganda is it me ore kulmiye is not only losing support but also losing the propaganda war just read this.
Hogaanka Xisbiga KULMIYE Oo Sheegay In Cismaan Hindi U Adeegayo Xisbiga UDUB Rabayna In Uu Khalkhal Ka Dhex Abuuro Xisbiga KULMIYE
Somaliland.Org — Hargeysa, Somaliland — 14 September, 2007
--------------------------------------------------------------------------------
Hargeysa (Somaliland.Org) Guddoomiyaha xisbiga KULMIYE Axmed M Maxamud Silanyo iyo madax ka tirsan hogaanka xisbiga KULMIYE oo maanta shir jaraa'id ku qabtay xarunta xisbiga KULMIYE ee Hargeysa ku sheegay in Md Cisman Cabdilahi Cigal, guddomiyaha xisbiga KULMIYE ee gobolka Hargeysa, isku dayay inuu khal-khal iyo jaha wareer ka dhex abuuro xisbiga KULMIYE isaga oo u adeegaya xisbiga UDUB, sidaas darteedna, laga qaaday xilkii guddoomiyenimo ee xisbigia KULMIYE.
Shirkan hogaanka xisbiga KULMIYE ayaa daba socday shir Md Cisman Hindi ku qabtay hoolka shaqaalaha ee dawladda oo uu ku eedeeyay xisbiga KULMIYE inuu ka leexday hanaanki xisbinimo oo isu bedelay hab beeled.
Guddomiyaha xisbiga KULMIYE Md Silanyo oo shirkas ka hadlay ayaa sheegay in guddidi qaban qaabadda shirweynaha KULMIYE iyo hogaanki xisbiga KULMIYEba waxba ogeyn shirka Cisman qabtay iyo eedaymaha uu xisbiga usoo jeediyey. Isaga oo taas ka hadlayana waxa uu yidhi
"Eedaymaha Cismaana ma aha qaar runta u dhow ee waa qaar dano kale laga leeyahay. Waxan aamin sanahay in Cisman ujeedadisu ahayd in uu xisbiga KULMIYE khal khal iyo jah wareer ka dhex abuuro, waxaana qorshahaas kula socda oo kaga danbeeya xisbiga talada haya ee UDUB iyo xukuumadda. Taas waxa cadaynaysa iyada oo uu shirka ku qabtay hoolka shaqaalaha oo xisbiga KULMIYE hore loogu diidey inuu shir ku qabsado, marka laga yimaado shirweynahiisi ugu horeeyey. Iyo iyada oo markii laga war helay shirka maanta CIsman halkaas ku qabanayo aan u dirnay Madax xisbiga KULMIYE ka tirsan, kuwaasoo loo diiday inay madasha galaan oo booliskii feedh iyo laad kaga soo saareen. Waxaaba dhacday markii Cismaan Hindi arkay madaxdii KULMIYE ee rabtay inay shirkisa hore usoo gasho ayuu askarti ku yidhi dibada u saara oo toogta weliba hadaad doontan..
Isaga oo sii wata hadalkiisa Guddoomiye Silanyo waxa uu yidhi 'Waxaan idiin shegay arrinkas iyo eedaymahaas looga danlahaa jah wareerka waxba yeeli maayan geedi socodka dimuqraadiyada xisbiga KULMIYE. Mana aha marki ugu horeysay ee Cisman ku kaco falal ku lid ah shurucda xisbiga isagoo kal hore shir qabtay uu isagu dib isugu doortay oo aan lala ogeyn. Kaasna wan ka aamusnay oo waanu asturnay. Laakin sida muuqata kama uu waantobin'
Md Silanyo waxa uu cadeeyey in xisbigu ka qaaday xilkii u hayay Cisman Cabdilaahi. 'Waxa aanan halkan idiinka cadeynaynaa in Cisman xilka gobol ee uu hayo uu u magacabay guddomiyaha xisbigu, laakin aanu ku helin doorasho lasoo doontay. Sidaas darteed, waxaan go'aan ku gaadhnay, maadama uu ka horyimi shuruucdi xisbiga, inaan xilkaas ka qaadno Cismaan Saacadas laga bilaabo, waayo waxu kasoo bixi waayay xilkis, sidaas waxa yidhi Guddomiye Silanyo.
Mar uu ka hadlayay arrimaha iyo eedaymaha Md Cisman Cabdilahi ka hadlay waxa uu guddomiyaha xisbiga KULMIYE Md Silanyo sheegay in anay waxba ka jirin eedaymahaas, waxaanu yidhi
'Waxan halkan ka cadeynaya in dhalinyarada shirka Cisman Hindi laysugu yeedhay ahaayen xubno xalaala oo ka mid ah xisbiga KULMIYE. Waan soo dhoweynaynaa, xisbigay ka mid yihiin oo waa dhalin tayadii. Laakin dareenka iyo warka loo shegay waxba kama jiraan; waxanan u shegaya in shir weynaha KULMIYE, haweenka iyo dhalinyaraduba qaybtooda leeyihin'.
Intaas ka dib suxufiyiinti kasoo qayb galay shirkas jaraa'id ayaa Md Silanyo weydiiyey su'aalo, waxaanay u dhaceen sidan:
S:Guddoomiye maxad u leedahay ka bixida Cisman ee xisbiga waxba yeeli mayso KULMIYE miyaanu ahayn xubin muhim ah oo xisbiga?
J:XIsbiga KULMIYE wa xisbi balaadhan. Wad ogeyden oo hore cidba uga baxday, maalin walbana cidba so gasha oo kuso biirta. Xubin muhiim ah wuu ahaa oo guddomiye gobol ayaabu ahaa, laakin hadduu u hogaansami waayo shurucda xisbiga waa mid uu ka badheedhay.
S:Maxa ka jira eedaymaha Cisman Hindi ee ah in shir beeled lo bedelay shirweynahi xisbiga iyo in cid la calemo saaray.
J: Cisman inu idiin shegay ahayd cidda la calemo saray iyo waxu beelaha uga jedo. Anoo guddomiyaha xisbiga ah weli kuman dhowaqin inan murashax ahay, jagooyinka xisbiga dhamaantodna wa lagu tartamaya wana furan yihin.