Ciidamada Itoobiyaanka oo Xirtay Isgoyska Siinaay,kadib markii saaka Uuraale looga qarxiyay.
Posted to the Web Nov 23, 10:15
Ciidamada Itoobiyaanka ayaa xirtay Isgoyskii ugu dadka badnaa maalmahan magaalada Muqdisho ee Siinaay kadib markii meel aan sidaasi uga fogeyn halkaasi miino lagula qarxiyay gaari Uuraale ah oo ay lahaayeen askarta Itoobiya.
Ciidamada Itoobiyaanka ayaa talaabadaasi qaaday kadib markii Barxadda Wardhiigley saaka looga qarxiyay gaari Uuraale ah oo ay wateen waxaana la sheegayaa in halkaasi khasaare uu kasoo gaaray.
Waxaa hakad iminka ku jira dhamaan isku socodkii gaadidka iyo dadka ee isgoyska Siinaay iyadoona ay Ciidamada Itoobiyaanka halkaasi ka wadaan baaritaano ay ku ogaanayan wixii falkaasi ka danbeeyay.
Xirnaanshiyaha Isgoyskaasi ayaa ka dhigtay magaalada Muqdisho mid dhamaan go'doon ku jirta iyadoona aysan awood u laheyd dadka in ay isaga soo kala gudbaan dhinacyada kala duwan ee magaalada.
Xafiiska wararka soomaalinews.com,Muqdisho.
--------
Kolonyo Itoobiyaan ah oo Muqdisho kusoo jeeday oo gaari Ural ah duhurnimadii maanta looga gubay Degmada wanlaweyn.
Muqdisho,22,November-07 (Qaadisiya.com) Xabashi aad u fara badan oo Tikree ah ayaa maanta waxa ay kasoo gudbayeen qeybo kamid ah G/Sh/hoose, waxaana wadada loogu aasay Miino iyadoo qarax weyn uu ka dhacay Degmada wanlaweyn.
Qaraxani ka dhacay wanlaweyn ayaa waxaa ku gubtay oo Miinadii ay la kacdami mid kamid ah gawaarida Uralka ah ee Tikreega ay wateen isla markaana kusoo jeeday magaalada Muqdisho.
Tacshiraad ay fureen Tikreega ayaa waxaa ku dhaawacmay illaa 2-qof inkastoo ay suuragal tahay in ay intaasi kasii badato kadib markii dadka ay xaafadahooda ugu aadeysay.
Qaraxa gaarigani Uralka ah ayaa noqonaya kii 10.aad oo bilihii ugu dambeeyay ay ku gubaan Mujaahidiinta qeybo kamid ah Gobolada Dalka Sida uu sheegay Madaxa waaxda Mukhaawamada iyo difaaca ee Isbaheysiga Dib u xoreynta Jamhuuriyadda Soomaaliya Yuusuf Maxamed Siyaad (Indhacadde).
