Waxaa si xoog leh ku socda xawaaraha uu ku faafayo kacdoonka Muqdisho guduha gobollada Somalia. Kacdoon kan waxaa sabab u ah gumeysi diidnimo; difaaca dhanqanka iyo diinta iyo waddaniyad salka ku haysa geyigii Somalia oo cadaw taariikhi ah soo weeraray. Somali badan ayaa arrimuhu guntooda inay sidaas tahay arka; dad kaas ayaa iska caabinaya gumeysiga Ethio/Amerikaanka ah oo isku bahaystay inay xaqiraan shacabka Somaliyeed, gaar ahaan kan Muqdisho.
Dagaal iska caabinta ah (muqaawamada) wuxuu ku baahayaa Soomaliya. Muqdisho waa meesha uu ugu xoog badan yahay; waana ubucda halganka Somalia. Magaalooyin waaweyn ayaa ku soo biiray halganka hubeysan; waxaana ka mid ah Baydhaba, Buulo Burte, Beled Weyne, Waajid, Guriceel iyo maalmahaan dambe Boosaaso. Raggii horay loo caburiyay oo maamulka Cadde Muuse uu la dagaalamay ayaa dib hubkooda u soo qaatay. Waxaa Boosaaso ka bilaabmay \"ku-dhufo-ee-ka-dhaqaaq\" hawl-gallo ah.
Kacdoonka karaariyay wuxuu ku qasbay dawladda Mareekanka inay dib uga fikirto istratejiyada ay isticmaalaysay. Waxaa u soo baxday in Ethiopia ay sii joogi karin Somalia. Waxaa kaloo u soo baxay in xubnaha muqaawamada iyo mucaarad ka laga qeyb geliyo xukuumadda cusub. Haddii aan sidaas la sammaynin Somalia ma degayso. Waxaa kaloo muhiim ah in ciidanka Ethiopian ka laga saaro Somalia dhammaan ahaan. Xal siyaasadeed ayaa wuxuu ku jiraa in mucaaradka lagu soo dabaalo xukummadda iyo in ciidanka Ethiopian ka laga bixiyo geyiga Somalia.
Faafka kacdoonka waxay guul weyn u tahay shacabka Somaliyeed oo iska diiday gumeysi; diyaar na u ah inay aayahood ayaga oo keli ah ka tashtaan.
ina iikay; Markacadey.net
