daawo sawirada
http://www.boramanews.com/5054.htm
http://www.boramanews.com/5053.htm
waa ninkii sameeyay heesta dab haduu dhaxmoodoo maxaa lagu daaweeeyaa bal adba garo dee
Abwaan Xasan Sh Muumin Alle ha u naxariistee Oo Maanta magaalada Boorama aas qaran loogu sameeyay
Halkan ka daawo sawirada Click here
Boorama(Bnn)Alle ha u naxariistee waxaa Maanta magaalada Boorama aas qaran loogu sameeyay Abwaan Xasan Sh Muumin, oo 16kii shan ku geeriyooday magaalada Oslo ee dalka norwey.
Diyaaradii siday Maydka marxuunka ayaa abaaro 12.00 duhurnimo ee Maanta soo gaadhay madaarka magaalada Boorama, iyada oo ay la socdeen wafti ka socday dalka Jabuuti, waxa kale oo iyaguna madaarka ku sii sugnaa wafti balaadhan o golaha wasiirada ee sooomaaliland ah, siyaasiyiinta xisbiyada mucaaridka, xildhibaano ka tirsan labada gole, ee baarlamaanka,hal abuuro,qorayaal iyo dadweyne kale oo aad u tiro badan kuwaas oo isaga kala yimid gobolada JSL, si ay uga qayb galaan jinaasada iyo aaska alle ha u naxariistee marxuun Abwaan Sh Xasan Muumin Gorad.
Waxa ka mid ahaa shakhsiyaadkii iyo siyaasiyiinta iyo masuuliyiintii ka qaybgalay aaska Abwaanka iyo halabuurkan bulshada magaca weyn ku dhex lahaa, wasiirka madaxtooyada Md Nuux,wasiirka warfaafinta Axmed X Daahir,wasiirka dhaqanka C/risaaq waabari,wasiirka macdanta iyo biyaha Qaasin Sh Yuusuf, wasiirka xidhiidhka golayaasha Cabdi Xasan Buuni, gudoomiyaha xisbiga mucaaridka ah ee Kulmiye Axmed Siilaanyo, madaxweyne ku xigeenkii hore ee somaliland Muj C/raxmaan Aw Cali Faarax,maamulka G/awdal iyo xubno kale oo bulshada magac iyo martabadba ku leh iyo bulshada reer Boorama oo aan iyaguna u kala hadhin, waxaana maydkii maruunka ka soo sagootiyay madaarka Boorama boqolaal gaadiid ah ilaa ay soo gaaheen qabrigii uu ku aasnaa marxuunka aabihii oo isaguna ahaa caalim weyn oo aad loo qadarin jiray halkaas oo marxuun Xasan Sh Muumina lagu garab aasay.
Alle ha u naxariistee Marxuun Abwaan Xasan Sh Muumina uu ahaa hal abuur weyn oo maskaxdiisa iyo aqoontiisaba u huray bulshadiisa waxaanay dadkii ka soo qaybgalay aaskiisu si weyn ugu dheeraadeen taariikhdiisii iyo shakhsiyadiisii.
Wasiirka madaxtooyada Jsl Md Nuux ayaa odhaahdiisa ku bilaabay"alle ha u naxariistee abwaanka weyn ee inaga baxay ee somaliland ka baxay samir iyo iimaan dhamaanteen ha inaga siiyo, waxaanan u mahadnaqayaa dhamaan cidkasta oo ka qayb qaadatay sagootiska iyo aaska marxuunka iyo waftiga jabuuti ka yimid oo aanu uga mahadnaqayno sida wanaagsan ee ay u soo sagootiyeen maydka marxuun Xasan Sh Muumin una soo gaadhsiiyeen magaalada Boorama oo ay aaskiisiina kaga qaybgaleen, waxa kale oo aan halkan ka sheegayaa inaanu madaxweynaha soomaaliland tacsi uga sidno qoyskii uu marxuunku ka baxay".
Xaashi C/laahi[xaashi afweyne] oo isna ku hadlay magaca waftiga Jabuuti ee maydka marxuunka la socday waxa uu yidhi"waxaan anagu tacsi iyo baroor diiq u sidnaa qoyskii iyo qaranka sooomaaliland ee aanu walaalaha nahay ee uu ka baxay marxuun Abwaan Xasan Sh Muumin oo ahaa nin cabqariya oo suugaantiisu ka duwanayd ta abwaanada kale waxa uu ahaa cilmi baadhe uu ilaahay ku shubay xikmada soomaalida dhaxal weyna ka tagay, dawlada Jabuuti hadii aanu nahay waxaanu jeclayn inaanu jabuuti ku aasno balse wuu dar daarmay dawladayaduna waxay ku karaamaysay shahaadada koowaad ee qaranka Jabuuti"
Boobe Yuusuf Ducaale oo ka mid ah qorayaasha kaydiya taariikhda soomaaliland ayaa isna ka waramay shakhsiyadii marxuun Xasan Sh Muumin"Alle ha u naxariistee waxaynu maanta aasaynaa marxuun Xasan Sh Muumin oo ahaa halyay inaga baxay, marxuunku waxa uu ku dhashay magaalada Saylac maalin khamiis ah 25.Dec.1931 sida uu afkiisa iiga sheegay, dadku waxa ay u yaqaanaan nin fanaan ah oo hal abuur ah balse intaa wuu ka balaadhnaa waxaanu ahaa nin laxan dhaadhi ah,nin murti dhaadhi ah, nin jilaa ah iyo heesaaba waxa kale oo uu ahaa cilmi baadhihii u horeeyay ee helay magacyadii maalmaha soomaalida, lama soo koobi karo shakhsiyadiisii qaarba si bay u xasuusan doonaan ha ahaato cibaadadiisii iyo alla barigiisii ama haahaato hibadii eebe siiyay dhamaanteena samir iyo iimaan Eebe ha inaga siiyo"
Gudoomiyaha xisbiga Kulmiye Axmed Siilaanyo ayaa isna shakhsiyadii abwaanka sidan uga faalooday"Inaa lilaah wa inaa ilyhi raajucuun abwaanka Alle ha u naxariistee waxa uu ahaa shakhsiyad aad u balaadhan oo magac iyo qadarin umadiisa ka kasbaday reer Awdal uun maaha, reer soomaaliland oo kaliyana maaha ee umada soomaalida oo dhan waxa kale oo uu ahaa hal abuur fikirkiisu dheeraa oo wax badan inooga tagay oo aan odhan karo macalin umadeed buu ahaa, waydinkaa arkaya jinaasadiisii in meel walba looga yimid min Jabuuti ilaa gobolada dalkeena, dibadaha iyo meel walba taas oo cabiraysa miisaankii shakhsiyadiisa"
Maxamed Daahir Afrax oo isna ah nin qoraa ah oo buugaag badan ka qoray suugaantii marxuun Xasan Sh Muumin isaga oo ku sifeeyay riwaayadiisii shabeel naagood mid u qalanta in lagu abaal mariyo jaaisada Oscarka hadii ay soomaalidu bixin lahayd waxaanu ku tilmaamay maalintan mid murugo leh"maanta waa maalin murugo leh waxa inaga baxay tiir dhexaadkii umadeena marxuun Xasan Sh Muumin oo ahaa macalin wax weyn ku soo kordhiyay aqoponta banii aadamka, waxa kale oo uu ahaa hal door la higsado waxa uu ahaa samatalis hibadiisa aftahanimo wanaaga ugu hiilin jiray xumaantana ku diidi jiray, si gaar ah ayaanay aniga ii taabanaysaa geeridiisu, waayo 25 sano ayaan murtidiisa iyo hal abuuradiisa baadhis ugu jiray buugaag badana waan ka qoray waxa uu ahaa shakhsi dad jecel oo cidkasta ixtiraami jiray ilaahay qoyskiisii iyo dhamaanteenba samir iyo iimaan ha inaga siiyo isagana janadii ha ka waraabiyo".
