http://www.bulsho.dk/pla.php?song=Baxsa ... m=heesonew
Baxsaney Hargeysaay...
Burdaan dharab ku meydhaay
bidhaansiga kalgaclkaay
xaramkii bar-baartaay
beertii xoriyadaay
bara caafimaadiyo
guri laysku baantaay
baxsaney hargeysaay
kaa gudoomey baaqee
cabdow baahilaawow
salaan baaxad weynoo
kaaga timid badweyniyo
xeebihii baanaadir
waa bariidadeydee
nabad beegsigiiyo
inkastooy bagaagiyo
samir buuxahaygii
bilawgii horeytaba
boogihii damqanayiyo
bugtadii wareemeen
hubsiinadaan heenseestiyo
baantii aan heleybaa
kaa dhaaftey baashee
miyaan kuu bilaabaa
burdahiyo jawaabtii
kaa baahi bixiyaa
eebooyin badantii
bilaawiyo halgaadii
wixii dhib isoo marey
marna biixi kama jabin
bawdadda habaasiyo
wali boodh kamaan tumin
xaalina sidii bey
baxsanaanta muuqiyo
bidhaanteedu wacan tahey
sad bursiimo eediyo
markii aan burqadey iyo
baayuhu mahayne
wadna bihinbihaayoo
ciil barooranaayoo
baafinaaya ruux maqan
bo'ayahay baroortii
korka oogadeydiyo
bidixdeyda kumayaal
gabadhaa badweyntii
bari carab u dhooftaa
ma baxnaaninaayee
xagee bey iga xigtaa
hablihii bahdeenee
iimaanku buuxaa
bilic igu majeertoo
boqolaal suleekhaan
la wadaagey barashaan
boohdaan jaceyliyo
bidix ii garaacoo
xiliyada firaaqada leh
burcad igu subkaayee
barni iyo siraadiyo
basra ina suldaanbaan
baarka ii fidhaayoo
barkanahey dhabtoodoo
barkhadiyo naruuraan
samo ugu bariistaa
waan baryaa hurdada nabad
Hargeysaay, We'all miss u..... :-)
