Looks like the tide is changing as sno somalis can no longer watch their people get sluagtered by etiopian troops.
Hadal-haaynta ugu weyn magaalladda Muqdishu, ayaa maanta noqotay Askar ka tirsan kuwa DFKMGS oo maanta isku dhiibay Kooxaha hubeysan ee ka soo horjeeda Siyaasadda Dowladda Federalka ee ku sugan Isgoyka H/wadaag ee magaalladda Muqdishu.
Askarta soo goosatay oo tiradoodu dhan tahay saddex Askari, ayaa waxay wateen Gaari Tekniko ah oo uu ku rakiban yahay qoriga Dhaashiikaha, iyadoo uu Gaarigaasi ahaa mid tuuteysan.
Kooxaha hubaysan ee ka soo horjeeda Dowladda Federalka, ayaa la arkayey iyagoo gaarigaasi si ddhoola-tus ah kula dhex mushaaxaya qeybo ka mid ah Waddooyinka ku yaalla deegaannadda ay Kooxahaasi ku xooggan yihiin.
Ilo-wareedyo madax-bannaan ayaa waxay sheeegayaan inay Askartaasi ku hubeysnaayeen labo qoryaha fudud ee AK47 iyo qori Boobaha fudud ee BKM, waxaana la sheegay inay jireen xiriiro hoose oo Askarta soo goosatay iyo xubno ka tirsan Kooxaha Mukhaawamadda u socday, si ay Askartaasi ugu soo biiraan Mukhaawamadda.
Ma cadda inay Ciiddamaddani ka mid ahaayeen kuwii horey ugu sugnaan jirtey Isgoysyadda H/wadaag iyo Aadan Cadde, inkastoo ay wararka qaarkood sheegayaan inay Ciiddamadaasi ka mid ahaayeen kuwa Villa Somalia deggan.
Ma aha markii ugu horreysay oo ay Ciiddamo ka tirsan DFKMGS isku soo dhiibaan Kooxaha ka soo horjeeda Siyaasadda DFKMGS iyo joogitaanka Ciiddamadda Ethiopianka ee ku sugan gudaha dalka Somalia
