Muqdisho: Banaanbax lugu taageerayo Baaqii Dib u Heshiisiinta ee Raysalwasaare Nuur Cadde
22. marts 2008
APL
Tool
Send This Article To A Friend By Email | Saaxiibkaa warkaan ugu dir Email
--------------------------------------------------------------------------------
Print This Article | Daabaco warkaan
Muqdisho (AllPuntland)- Banaanbax balaaran ayaa ka dhacay Magaalada Muqdisho ee caasumada Soomaaliya, kaasoo dadka Muqdisho ku taageerayeen qorshaha iyo baaqa dib u heshiisiinta ee ay soo saartay Dawlada Federaalka Soomaaliya, kaasoo uu dhawaan ku dhawaaqay Raysal Wasaare Nuur Cadde.
Banaanbaxan waxaa kala qayb galay dadweynaha isu soo baxay xubno ka tirsan labada gole ee Dawlada Federaalka, maamulka Gobolka Banaadir, Saraakiisha ciidamada dawladda faderaalka ee Soomaaliya, kuwa Itoobiya, Midowga Africa.
Waxaa ka hadlay dibad baxa Wasiirka Arimaha Gudaha oo Dadka isu soo baxay uga mahadceliyay taageeradooda dib u heshiisiinta dawladu ku baqday, wuxuuna ka hadlay qorshaha dawlada ee dib u heshiisiinta.
Maxamed Cumar Xabeeb (Maxamed Dheerre) gudoomiyaha Gobolka Banaadir ahna Duqa magaalada Muqdisho oo ka hadlayay goobtaasi ayaa cambaareeyey cid walboo ka soo horjeeda nabadgalyada dalka Soomaaliya ,isagoo ugu yeeray Kooxaha ka soo horjeeda dawladda Faderaalka ee Soomaaliya in ay wada hadal lagalaan dawladda Faderaalka ee Soomaaliya.
Gudoomiyuhu wuxuu tilmaamay in ay muhiim tahay in wada hadalo ay dhacaan ,isagoo laakiin meesha ka saaray in aysan dawladu marnaba ku hanweyneyn in ay dagaalo kale qaado.
" Ma ahan in aan dagaalo qaadno ,waxaana na soo weeraro Kooxo ,laakiin waxa ay aaminsan yihiin in aanan awood laheyn waan leenahaye ,waxaa ka naxeynaa Shacabka Soomaaliyeed ee ku nool Muqdisho" Ayuu yiri Gudoomiyaha gobalka Banaadir Maxamed Dheere.
Saraakiisha Soomaalida ee dhinaca amaanka oo ka hadlay banaanbaxa ayaa tilmaamay in amaanka looga baahan yahay qof walboo Soomaaliyeed in uu sugo ,lana shaqeeyo ciidamada amaanka ee dawladda Faderaalka ee Soomaaliya.
F. C. Geylan
AllPuntland
