Beesha SADE oo ah beelaha ugu waa weeyn Muqdisho aya maanta sameysta gole cusub waxaane loo dhoortey gudoomiye Sheekh Xasan Sheekh Aadan Cabdule, iyadoo xubnaha Gulaha dhexe ay yihiin 33-Xubnood, iyadoo gudiga Fulinta golahaan uu ka kooban yahay 11-xubnood, wuxuuna golahaan leeyahay Dastuur lagu hogaaminaayo golahaasi.
-------------------------------------------------------------------------------------------------------------------
Muqdisho. 26. May .2008. (Sh.M.Network)- Wax garad ka soo jeeda Beesha Sade oo maanta kulan ku yeeshay Magalada Muqdisho ayaa dowlada KMG Soomaaliya ku eedeeyay in ay ku hungoowday Wax ka qabashada Xaaladaha ka sii daraya ee dalka ka jira waxaa ay sidoo kale ka hadleen wax garadkasi arintii ka dhacaday Guriga Dr Cabdi Qaasim Salaad Xasan.
Gudoomiyaha Golaha iyo wax garadka Beesha Sadde Shiikh Xasan Shiikh Aadan ayaa sheegay in dowlada KMG Soomaaliya ay ku hungoowday wax ka qabashada arimaha Cakiran ee haatan ka taagan Dalka Soomaaliya.
Waxaa uu sheegay in dowlada Soomaaliya markii hore ee la soo dhisaayay ay aheeyd dowlad Dib u heshiisiineed ayna isku badashay mid dalka ku soo hogaaamisa Cadow soo jireen ah waa sida uu hadalka u dhigayee isla markaana dadka u horseeday barakaca iyo sicir barar ku baahay Dhamaan gobolada Dalka.
Sheikha ayaa waxaa lala yaabo ku tilmaamay Talaabooyinka ay maamulada Somaliland iyo Puntland gacanta ugu galiyeen dowlada Ethiopia Dad Soomaali ah waxaan uu shacabka Maamuladasi iyo weliba maamulada ugu baaqay in ay ka waantoobaan arimahasi oo kale.
Sidoo kale waxaa uu Shiikh Xasan Shiikh gudoomiyaha golaha Beesha Sadde wax laga xumaado ku tilmaamay talaabadii ay Ciidamada dowlada iyo kuwa Ethiopia ku galeen guriga Madaxweeynihii hore ee Soomaaliya Dr Cabdi Qaasim Salaad Xasan waxaana uu dowlada Soomaaliya ugu baaqay in ay Talaabo cad ka qaado ciidamadii iyo saraakiishi Guriga madaxweeynaha Gashay.
Inta bada Wax garadka Soomaaliyeed ee ku sugan Dalka Gudihiisa iyo Dibadiisa ayaa waxaa ay si isku mid ah u canbaareeyeen Talaabadii ay ciidamada dowlada iyo kuwa Ethiopianka ku galeen Guriga Dr Cabdi Qaasim Salaad Xasan iyo dhacdadii ay maamulada Somaliland iyo Puntland Gacanta ugu galiyeen muwaadiniin Soomaali ah Dowlada Ethiopia waloow ay Eedeeyntaasi gees isaga riixeen Maamuladasi.
Shabelle Media Network Somalia.
