Madaxtooyadda Villa Soomaaliya Oo Ay Ka Socoto Hub Qeybin Baaxad Leh
Wararka saaka ay warbaahinta Gedonet.com ka heleyso xarunta madaxtooyada Villa Soomaliya aya sheegaya in laga bilaabay hubeynta xoogaga Ahlusunah si ay uga qeybgalaan dagaalada socda ee ay dawlada kula jirto mucaaradka. Xarakada Ehlu Suna ee ku nool Gobolka Banadir ayaa si toos u sheegey in ay ka qayb qadanayaa dagaalada ka socda caasimadda dalka soomaliya gaar ahaan magaalada mqudisho.
In ka badan 850-maleeshiyaad Ehlusunah ayaa saaka hub looga raray xarunta madaxtooyada hubkaas oo u badan qoryaha AK47 iyo BKM, iyo rasaas aan xad lahayn waxaaan ay wararka aan heleyno ay sheegayaan in ay ku qeybsan doonaan mowlac diimed kooxda Ahlusunah ay ku leedahay Muqdisho. Ehlusunah ayaa ah wadaado dhexdhexaad ah kuwaasi si weyn awood ugu leh qaybo ka mid ah gobolka banadir.
Horjoogayaal caan ka ah wadada Ehlusunah oo aan horey looga baran in ay is hubeeyaan ayaa saaka la arkayey iyago hub raraya . Wadadan ayaa dagaalo qaraar ka kulmey kooxaha dawlada ka soo horjeeda kuwaasi oo u galeen meelo badan oo ka tirsan gobolodda konfureed ee soomaaliya. Ma jiraan wax war ah oo ka soo baxay xarakada Ehlusunah oo ku aadan is hubeynta ay is hubeynayaan.
Hubeynta ay dawlada hubeyneyso maleeshiyadka Ehlusunah ayaa ah mid ay damacsanyihiin in ay kaga horgeyaan xoogaga mucaaradka gaar ahaan xoogaga Al-Shabab oo ay hada dagaalo kula jiraan gobolada dhexe dalka Soomaaliya, Waxaa cadaan in Ehlusunah ayaa dhawr jeer dagaalo kaga awood roonadeen xarakoyinka dawladda ka soo horjeeda ayna dileen ajaanib la garab ahayd xarakooyinka dawladda ka soo horjeeda.
Maleeshiyaadka saaka ay dawlada hubeysay oo u badan dhalinyaro duruus diini ah ka raacan jirtay Masaajidyada ayaan la aqoon aaga laga agaal galin doono laakin waxa ay warar sheegayaan in loo diri doono gobolada ay dagaalka ka wadaan . Dawlaad Soomaliya ayaa u u muuqata in ay sameyneyso qaab walba oo ay kaga adkaan karto xoogaga ka so horjeeda inkastoo wali aanay luudin awooda mucaarajka oo aad u culus.
Ugu dambeyntii hubeynta la hubeeyey maleeshiyadan aya xaalada ka sii dhigaysa mid faraha ka baxda , waxaana somalia uu hubka gacanta u sii galayaa kooxo cusub . Dadka odoroosa xaalada ayaa soo bandhigay fikrad ah in Somalai ay gaari doonto meel aan laga so celin xaaladeed sababo hubka oo si aad u sii galaya gacanta shacabka iyo urur diimedyada, arrintani ayaa waxaa walaac ka muujiyey guud ahaan shacabka ku nool gobolka banadir kuwaasi oo sheegey in dagaaladu sii daba dheeranayaan mar hadii la hubeeyo dad shacab ah.
http://www.gedonet.com/index.php?news=5657
