Hogaamihayaha ururka xizul-islaam sheikh xasan daahir aweys oo wareysi siinayay jariidada Sharqal-awsed ayaa u sheegay in ururkooda masuul aysan ka aheyn wixii soo gaara 2-bo nin oo dhawaan magaalada Muqdisho laga afduubtay.
Sheekha ayaa sheegay in ururka xizul islaam aysan masuul ka aheyn wxiii soo gaara ragaasi ajaanibta ah oo la sheegay dhawaan in ururkooda ay ka afduubteen magaalada Muqdisho.
Sidoo kale masuul ka tirsan Xizul-islaam ayaa sheegay in markii hore qilaaf uu soo kala dhaxgalay ayaga ururka alshabaab oo ku aadanaa heynta labadaasi nin balse markii danbe ay la wareegeen alshabaab haatana gacantooda uusan ku jirin.
Laakin masuul isna u hadlay ururka alshabaab oo isna magaciisa diiday ayaa wuxuu shaaca ka qaaday in haatan arinka la heystayaasha uu u gudbay faragalin shisheeshe ayadoona loo olaleenayo sidii ragaasi ajaanibta loogu wareejin lahaa urur weynaha ALQAACIDA.
Sidoo kale masuulkaan ka tirsan alshabaab ayaa sheegay in la marin doono labadaasi nin shareecada waxa ay ka qabto ayadoona ay ku sheegeen alshaab in ay ahaayeen rag jawaasiis ah.
Dhanka kale, qilaafka labada urur ayaa laga yaabaa in uu isku badalo gacan ka hadal ayadoo labada dhinac ay si kala gadisan ay uga hadlayaan heysashada labadaasi nine ee faransiiska ee haatan gacanta ay ku hayaan ururka al-shabaab
