Hogaamiyaha khawaarijta Xisbul Fasaaq Sikh Xasan Dahir Aweys oo saddex cisho ka hor isaga baxay magaalada Muqdisho ayaa isaga iyo Ciidamo fara badan oo ku hubeysan gaadiidka dagaalka waxay xalay ka gudbeen Degmada Buulo Burde ee gobolka Hiiraan.
Sikh Aweys oo ay wehliyaan Saraakiil sar sare oo ka tirsan Xisbul Islaam ayaa waxaa ka mid ah Sheekh C/qaadir Kumandos, waxaana qorshaha Wadaadka ka marneyn Guluf dagaal oo ku wajahan Gobolka G/gaduud oo uu ka soo jeedo.
Duulaankan oo ah mid si weyn qariiradiisa loo dajiyay ayaa Ciidamada ka qeyb qaadanaya ay yihiin kuwo gaaraya ilaa 500 oo ciidan, waxaana Map-ka dagaal gelinta dejiyay C/qaadir Kumandos oo aad ugu xeel dheer xeeladaha dagaal.
Warar ay xooraansi ku heshay Shabakada Jowhar.com ayaa sheegaya in Ciidamada uu wato Wadaadka ay geedi ku sii yihiin Degmada Guriceel iyo deegaano kale, kadib markii maalmo ka hor ay isku uruursadeen Magaalooyinka Jowhar iyo Buulo Burde.
Gulufka dagaal oo uu wado Sikh Aweys ayaa ah mid ballaaran waxaana qorshaha koowaad uu yahay duulaan saf ballaaran ah oo ay ku qaadaan deegaanada ay ku sugan yihiin Ciidamada Ahlu Sunah si ay ugu kala dhantaalaan awoodaha Ahlu Sunah la soo baxday mudooyinkii u dambeeyay.
Warar qaar ayaa sheegaya in Xasan Dahir uu damac weyn uga jiro inuu saldhig weyn ku yeesho G/gaduud, isla markaana uu xoog uga sal kiciyo urur diimeedka Ahlu Sunah, iyadoo Wadaadka uu u muuqdo inuu boorsooyinkiisa ka soo xir xirtay magaalada Muqdisho.
Sikh Xasan Dahir oo garabkiisa ay kala dhaxeyso loolan dhinaca awooda ah Ururka Argagaxisada Alshabaab ayaa la ogeyn halka qorshihiisa ku aadan saldhigashadiisa Gobolka G/gaduud.
Culumaa'udiinka Ahlu Sunah ayaa ku guda jira diyaar garowgii u dambeeyay oo ku wajahan ka hortagida duulaanka kaga soo fool leh Ururka Xisbul Islaam oo si weyn ugu qalab qaatay duulaan ballaaran oo ka dhan ah.
Degmooyinka Dhuusa Mareeb oo uu ku dhashay Sikh Xasan Dahir iyo Guriceel ayaa ka bilowday dhaq dhaqaaqyo ciidan, iyadoo shalay ay ka dhaceen Banaan baxyo ballaaran oo dadweynaha deegaanadaas loogu gubaabinayo inay ka hortagaan duulaanka ka dhan ah degenaashahooda iyo nabada ay yagleelshteen.
Afhayeenka Ahlu Sunah Sheekh C/llaahi C/raxmaan Abuu Yuusuf Al-qaadi oo ka hadlay dhaq dhaqaaqyadan ayaa ugu baaqay Ciidamada Ahlu Sunah inay iska difaacaan duulaanada ballaaran ee ku soo socda, isagoo ku tilmaamay duulaanka mid la doonayo in lagu barakicinayo deegaanada ay maamulaan.
Si kastaba ha ahaate waxaa la ogeyn qorshahan dagaal iyo gulufka soconaya ayaa ah kuwo ifafaalo u ah dagaalo lagu riiqmo oo ka dhaca deegaanada Gobolka G/gaduud oo kol hore ay ka fara maroojiyeen Ururka argagaxisada Alshabaab
imam hutuking, show some respect to the war veteran and stop cursing him.
