Alla ninku oga siida diyaarada loo raac
HOL): Madaxweynaha Dowladda Soomaaliya Shiikh Shariif Shiikh Axmed iyo wafdi uu hoggaaminayo ayaa socdaal waqti kooban qaadanaya wuxuu ugu amba baxay dalka Jibouti.
Socdaalka Madaxweynaha Soomaaliya ayaa ka dambeeyay martiqaad rasmi ah oo uu madaxweynaha Jibouti Ismaaciil Cumar Geelle ka helay. Xubno Wasiirro ah oo ka tirsan Xukuumadda Soomaaliya ayaa madaxweynaha socdaalkaas ku wehlinaya, waxaana ka mid ah Ra’iisal Wasaare ku xigeen ahna Wasiirka Kalluumeysiga Prof. C/raxmaan Xaaji Aadan Ibbi, Ra’iisal Wasaare ku xigeen, ahna Wasiirka Maaliyadda Shariif Xasan Shiikh Aadan, Wasiirka Cilmi Baarista iyo Tiknoolojiyada Maxamed Cali Xagaa iyo xubno kale.
Sida ay noo xaqiijiyeen ilo wareedyo ku dhow dhow xafiiska madaxweynaha Soomaaliya socdaalka Madaxweyne Shiikh Shariif ayaa wuxuu qaadan doonaa waqti kooban, kaddibna wuxuu dib ugu soo noqon doonaa Dalka Soomaaliya, gaar ahaan Magaalada Muqdisho.
Dalka Jibouti ayaa wuxuu yahay halkii lagu soo doortay Madaxweynaha Soomaaliya Shiikh Shariif Shiikh Axmed, iyadoo ay xusid mudan tahay in uu Dowladaha Soomaaliya iyo Jibouti ka dhaxeeyo xiriir walaaltinimo iyo mid saaxibtinimo.
Dowladda Jibouti ayaa tan iyo markii ay burburtay Dowladdii hore ee Soomaaliya waxay noqotay Dowladda kaliya ee la hubo in ay ka murugeysan tahay dhibaatada dowlad la’aaneed ee ka taagan Soomaaliya, waxaana la xusuusan yahay in Jibouti lagu soo dhisay seddex dowladood oo ay u dambeyso midda uu haatan madaxweynaha ka yahay Shiikh Shariif Shiikh Axmed.
Sheikh daxliis oo diyaaradii la duushay
