When Mooryaanimo + Diin are blended together you get this kind of warped rules.
Only in Kismayo:
Maamulka Islaamiga ah ee Kismaayo oo sheegay in ay tallaabo Sharci ah ka qaadi doonaan cidii bixin weysa Zakaatul Fidriga.
Isniin, September 14, 2009(HOL): Madaxa warfaafinta ee Maamulka islaamiga ah ee Magaalada Kismaayo Sheekh Xasan Yacquub Cali oo maanta u waramayay HOL ayaa sheegay in ay weli socoto isdiiwaangelinta bixinta lacagaha Zakaatul fidriga isla markaana xilligii loogu talagalay ay ku egthay 30-ka bisha Ramadaan, isagoo intaasi raaciyay in ciddii isku soo diiwaangelin weyda tan iyo inta laga gaarayo 30-ka bisha Ramadaan laga qaadi doono tallaabo sharci ah subaxa ciidda isla markaana albaabada la isugu dhufan doona goobtiisa ganacsi.
Sidoo kale Sheikh xasan Yacquub Cali madaxa warfaafinta maamulka islaamiga ah ee magaalada Kismaayo ayaa ugu baaqay dadweeynaha reer Kismaayo in ay sida ugu dhaqsaha badan isku diiwaan geliyaan isla markaana ay tagaan xafiiska iyo goobaha kale ee isdiiwaangelintu ka socoto.
Wuxuuna ku booriyay dadweeynaha iyo ganacstada reer Kismaayo in ay subaxda ciidda ah lacagtaasi oo dhameystiran ku wareejiyaan gacanta maamulka Islaamiga ah ee magaalada Kismaayo si looga farxiyo buu yiri dadkii danyarta ahaa ee awalba loo uruurinayay lacagahaasi.
Waxaana arintani ay ku soo beegmeysaa xilli maalmihii ugu dambeeyay maamulka islaamiga ah ee magaalada Kismaayo ay wadeen dardargelinta dadaaladda ay ku doonayaan in ay ku diiwaangeliyaan qeybaha kala duwan ee ganacsatada magaalada Kismaayo, ayadoona la arkayay gawaari ay ku rakiban yihiin qalabka cod baahiyayaasha ah oo goobaha ganacsi oo ku yaal gudaha magaalada Kkismaayo u goynayay waraaqo ay ku saxiixan tahay “iska soo diiwaangelin xafiiska aruurinta zakada”.
Xasan Nuur, Hiiraan Online
hnur@hiiraan.com
Kismaayo, Soomaaliya
