WAR DAG DAG AH .....CIIDAMO LIXAADLEH OO KA SOCDA AHLU-SUNNA WAL-JAMACAH OO TAGAY DEEGANO BADAN OO GOBOLKA HIIRAAN KA TIRSAN :
Ciidamadan oo ay horkacayaan saraakiil caan ah oo ka tirsan culumaaudiinka ahlusunnah waljamaacah kana soo kicitamay talisyo dhowr ah oo ay ahlusuna kusugnaayeen oo kuyala gobolada dhexe ayaa waxa ay shalay tageen deegaanka bacaha ee gobolka hiiraan .
Culumaaudiinka ahlusunna waljamaacah oo wata gawaarida gaashaaman ee tiknikada loo yaqaan iyo hub isugu jira madaafiicda goobta iyo kuwa darandooriga u dhaca ayaa markii ay soo gaareen deegaanka bacaha waxa ay shir la qaateen culumada iyo odayaal dhaqameedka ama waxgaradka .
Sida wararku tibaaxayaan waxa ay dhinacyadaasi isku soo qaadeen sidii layskaga kaashan lahaa la dagaalanka khawaarijta waasida ay hadalka u dhigene , iyo habka looga saari karo guud ahaan dalka gaar ahaan gobolka hiiraan ayagoo afka ku dhuftay magaalooyinka baladweyn , buula barde iyo jalalaaqsi .
Wararku waxa ay intaasi ku darayaan in Ciidamada ahlusunna walajmaacah ay cagta soo mariyeen deeganada kala ah COOMAAD IYO GEEL KU DHEL iyo tuulooyin kale oo kawada tirsan gobolka hiiraan , meel walba oo tagaana waxa ay ku galayeen digri salaan iyo alle bari ayadoo dadkii deeganadaasna ay si diiran culumadooda u soo dhaweynayeen .
Warar aan la xaqiijin ayaa sheegaya in Dhaqdhaqaaqyo milatry oo xoogan ay wadaan culumada ahlusunna walajmaacah , ayagoo laga yaabo in dagaal saf ballaaran ah ay ku qabtaan gobolka hiiraan gaar ahaan baladweyn iyo buulabarde .
Si kastaba ha ahaateen , Deegaanka bacaha oo ay shalay isku fara saareen cidamo tabacsan dowlada KMG ah iyo kuwa xisbul islaam ayaa hada dagan ayadoo ay guud ahaan deegaankaasi si buuxda gacanta ugu gashay ciidamo aad u hubaysan oo ka tirsan culumaaudiinka ahlusunna walajmaacah , lamana oga khariirada dagaal oo ay damacsanyihiin ahlusunna waljamaacah . balse wixii ku soo kordha dib ayaan idinla socodsiin donnaa insha alah .
http://mustaqiim.com/News191.htm
Queen Arawelo. its in my blood 
