Raskamboni leaders fleeing to Kenya as Shabab enter Dhoobley

[Kanada]

What will Shabab do to sick Xasan Turki

Ibraahim Shugri oo Galay Kenya & Axmed Madoobe oo u kicitimay Diif




Ilo xog ogaal ahi oo lagu kalsoonyahay ayaa u Sheegay Shabakadda Warbaahinta ee Somalimirror in Ibraahim shukri oo ka tirsanaa Mas’uuliyiinta Raaskanbooni uu galay Wadanka Kenya ka dib markii uu ka baxay Magaalada Dhoobleey oo uu Baryahanba ku sugnaa.

Ilahaasi waxay intaa ku darayaan in Ibraahim Shukri uu Rartay Reerkiisii isla markaana uu la socday Nin lagu magacaabo Macallin Maxamed, kuwaas oo la Sheegay inay ka gudbeen Difaacii ugu horeeyay ee Ciidamada Xuduuda Kenya.

Warar horu dhac ah oo lagu kalsoonaan karo ayaa sheegaya in Axmed Madoobe uu isna u kicitimay Dhinaca Deegaanka “Diif” isaga oo Wata Ciidamadii uu Taliyaha u ahaa Ciise Kaanbooni.

Ciidamada la socda Axmed Madoobe waxay warar hoose sheegayaan inay Gadoodsanyihiin.

Waxay kaloo ilahaasi sheegayaa in Axmed Madoobe iyo Ciidamadiisiiba isla qaateen inaysan kala tagin balse ay Duurka galaan, soona qaadaan Dagaalo ku dhufo oo ka dhaqaaq ah.

Magaalada Dhoobleey ayaa ku jirta Xaalad kacsanaan, waxaana la sheegayaa in uu jooga Sheekh Xasan Turki, wuxuuna Sarkaal sarre oo ka tirsan Xarakadda Shabaabul Mujaahidiin u sheegay Somalimirror inay wada Xidhiidheen Sheekha isla markaana uu ugu Baaqey inay yimaadaan Magaalada.

Dhinaca kale lama sheegi karo Mas’uuliyiintii kale ee Ururka Al-Xisbul Islaami ee ku sugnaa Dhoobleey meel ay ku suganyihiin, xiriiro aan isku dayno inaan la sameynana waa ay noo suuro galiweysay inaanu haleelno

http://www.somalimirror.com/2009/11/25/ ... imay-diif/

[Kanada]

Sheekh Xasan Turki iyo Axmed Madoobe oo ugu dambeyn tiigsaday Howdka Kudhaa

Wadaadii aabaha u ahaa Islaamiyiintii Soomaaliya ee haatan firqooyinka noqday ayaa marba markii ay laan la jabeysay haatan u muuqda kuwo ku uruuray deegaanadii ay asal ahaayeen ka soo askumeen, oo ay ku soo carbiyeen mudada dheer ka wadeen abaabulka iyo carbinta Maleeshiyaad.

Sheekh Xasan Turki oo la rumeysan yahay inuu aabe u ahaa Islaamiyiinta ayaa haatan sii tiigsanaya deegaanadii uu awal abaabulka ka soo bilaabay, halkaasoo uu ku soo tababaray boqolaal kun ee dhalinyarada Islaamiyiinta ee haatan la dhakoolan Akaha, waxaana isaga iyo Axmed Madoobe oo isku beel ah ay gaareen deegaanada Howdka ah ee la yiraahdo Kudhaa ee ku taal cirif koofureed ee Somaaliya.

Sida ay xaqiijinayaan warar lagu kalsoonaan karo Xasan Turki iyo Axmed Madoobe ayaa xalay ka baxay Degmada Dhoobley oo aheyd halkii ugu dambeysay, kadib markii ay soo kulaaleen Xoogaga Al-Shabab oo ku noqday mas soo jeestayaal.

Ururka Xisbul Islaam oo aan hada caga badan ku taagneyn isla markaana ay uga soo dhamaaneyso Goboladii Koofur galbeed ayaa waxay horay si tar tartiib uga soo baxeen Degmooyinka Afmadow, Xagar iyo Kismaayo oo xooga looga soo saaray ilaa ugu dambeyntii deegaanada xuduuda Kenya u dhow oo ay xalay ka baxeen.

Labada Wadaad ayaa ku biyo shubtay deegaanada Howdka oo la sheego in aanay aheyn mid sahlan, isla markaana aan lagu kala adkaan, waa deegaano caan ku ah rogaal celinta iyo abaabulada, waqtigee doonta ha noqotee, waana sababta keentay in ay afka aadiyaan.

Degmada Dhoobley oo haatan haawaneysa ayaa waxaa saacadaha soo socda ku soo jeeda, dagaalyahano Jidbeysan oo u hamuun qaba in ay sanka la raacaan neecaawda ka imaaneysa dhanka Kenya ee sohdin wadaag la leh Dhoobley.

Al-Shabab ayaa ku haminaya in deegaanada Jubooyinka ay ka sifeeyaan dhinacyada aan ku fikirka aheyn, waxaana la sheegayaa in horumar weyn ay ka sameeyeen duulaankooda ahaa in ay qabsadaan guud ahaan Jubooyinka.

Dadka falan qeeya siyaasada ayaa ku tilmaamaya istiraatiijiyada cusub ee ay ciyaarayaan Shabaab mid u muuqata sidii ay u hiigsan lahaayaan damacooda ku wajahan Imaarad Islaami ah oo ay ka hirgeliyaan Gobolka Geeska Afrika, marka loo eego u sii siqidooda dhinaca Xuduuda Kenya.

Xisbul Islaam oo la sheego inuu yahay qunyar socod, marka la fiiriyana ajandahooda siyaasadeed waxaa lagu tilmaamaa kuwo iska xukun doon ah oo aanay isku afkaar aheyn Ururka majaraha adag ee xiriirka dhow la leh Al-Qaacida.

http://www.jowhar.com/main/news.php?readmore=2024

[zingii]

Qaan marexaan waa qaaxo kugu maqan.
Shalay ayagoo magac diimeed wato ayay
dagaal ku qaadeen maantana markooda ayaa
la bursanaya illaa xuduuda kenya.