Qaban qaabada kulan ay soo qaban qaabiyen Ahlu Sunna oo ay ka qeyb galayaan wafuud ka kala imaanaysa dalka iyo dibada oo ka socda Caabudwaaq.
Qaban qaabada kulan ay soo qaban qaabiyen Ahlu Sunna oo ay ka qeyb galayaan wafuud ka kala imaanaysa dalka iyo dibada ayaa waxaa uu ka socda degmada Caabudwaaq ee gobolka Galgaduud.
Waxaa socda qaban qaabada kulanka dib u heshiisiinta ee ka dhacaya gudaha degmada Cabudwaaq, waxaana xubno katirsan guddiga qaban qaabada oo aynu kala xiriirnay shirka ay sheegeen in ay soo gaartay Ergadii ugu horeysay oo kamid ah ka qeybgalayaasha shirka.
Shirkan oo maamulka Culumaa’udiinka Ahlu Sunna ay iclaamiyeen in uu ka dhacayo gudaha degmada Cabudwaaq ayay sheegeen in ay tahay mid ay kaga hadlayaan jiritaanka Maamulka Culumaa’udiinka Ahlu Sunna Waljamaaca iyo sidii gobolada iyo deegaanada ay gacanta ku hayaan ay ugu sameyn lahaayeen qorshe fadhiya.
Has ahaatee qodobada kale ee shirkaasi looga hadlayo ayaan la ogeyn, laakiin xubno katirsan maamulka Culumaa’udiinka Ahlu Sunna ayaa waxa ay sheegeen in uu yahay kulankii ugu horeeyay oo ay si toos ah u yeelanayaan mas’uuliyiinta sar sare ee maamulka Culumaa’udiinka Ahlu Sunna.
Ergada ka qeybgalaysa oo isugu jirta taageerayaal qeybaha kala duwan ee Bulshada ah iyo Dhaqan Soomaaliyeed oo ka socda qaar kamid ah Qabaa’ilada Soomaaiyeed, waxaana shirkani dadka ka qeybgalaya ay ka imaanayaan guud ahaan dalka Soomaaliya iyo Qaaradaha dibada sida uu sheegay gudoomiyaha maamulka Culumaa’udiinka Ahlu Sunna ee bartmaha Soomaaliya.
Markii shirkani ay iclaamiyeen maamulka Culumaa’udiinka Ahlu Sunna in uu ka dhaco gudaha degmada Cabudwaaq ayaa la qaaday talaabooyin lagu sugayo dhinaca amaanka, waxaana magaalada soo gaaray cutubyo katirsan Ciidamada taabacsan maamulka iyagoo ka qeybqaatay sugida nabad galyada.
Waxaa maamulka ka arimiya degmada Cabudwaaq ay mamnuuceen gawaarida leh Muraayadaha Beensalka ah, waxaana maalintii shalay sidoo kale ay ku dhawaaqeen dumarka xirta Indho Shareerka leh in aysan qaadan Karin Indho Shareerka iyo waliba howlo kale oo ay u arkeen in ay wax ka tarayaan amaanka.
Ilaa iyo haatan lama oga waqtiga uu dhici doono shirka ama sida tooska ah ee uu u furmayo laakiin guddigu waxa ay sheegeen in uu furmayo gudaha bishan.
