5 terrorist with bombs captured in Dolow

[CoolPoisons]

Maamulka Ahlu Sunna Waljamaaca oo sheegay in ay gacanta ku dhigeen ku dhawaad 5 qof oo qaraxyo ka geysan rabay degmada Doolow.

Maamulka Ahlu Sunna Waljamaaca ayaa sheegay in ay gacanta ku dhigeen ilaa 4 ruux oo ay sheegeen in ay qaraxyo u geysan rabeen Masuuliyiin ka tirsan Maamulkaasi.



Sheekh Xasan C/laahi oo sheegtay in uu yahay Afayahenka maamulka Ahlu Sunna Waljamaaca ee koofurta Soomaaliya oo u waramayay Idaacada Shabelle ayaa waxaa uu sheegay in sedaxdii Maalin ee ugu dambeysay ay gacanta ku soo dhigeen afar nin oo ay ku eedeeyeen in ay qaraxyo ka geysan rabeen degmada Doolow ee gobolkaasi Gedo.


Afhayeenka ayaa sheegay in afartaan nin ay dhibaato u geysan rabeen ciidamada Ahlu Sunna Waljamaaca oo ku sugan Doolow isagoona carabka ku dhiftay in maalmaha nagu soo aadan ay maxkamadeyn doonaan afartaasi nin ee ay gacanta ku dhigeen.


Waa markii ugu horeeysay ee Saraakiisha Ahlu Sunna Waljamaaca ay sheegaan in ay gacanta ku soo dhigeen rag ay sheegeen in ay qaraxyo ka geysan rabeen deegaano hoostaga degmada Doolow oo ay kuwada suganyihiin saraakiil ka tirsan Sunna Waljamaaca iyo kuwa dowladda KMG.

[CoolPoisons]

Wararka naga soo gaaraya Degmada Doolow ee gobolka Gedo ayaa sheegaya in halkaasi lagu qabtey ilaa iyo 4 ruux oo looga shakisan yahay inay ahaayeen shaqsiyaad doonayay inay falal aman darro ka geystaan gudaha degmadaasi.

4tani ruux ayaa waxaa gacanta ku soo dhigay Malayshiyaadka ilaalada u ah mas’uuliyiinta ku sugan degmada Doolow, waxaana la sheegayaa in ragaasi lagu qabtey waxyaabaha qarxa iyaga oo wata, islamarkaana ay doonayeen in ay falal amni darro ka fuliyaan gudaha degmadaasi.

Saraakiil u hadashay mas’uuliyiinta halkaasi ku sugan ayaa sheegay in ay qabteen ragaasi looga shaki qabo falal amaan darro, waxayna intaa raaciyeen in ay dhowaan Maxkamad ku soo taagi doonaan gudaha degmada Doolow ee koonfur Galbeed Soomaaliya.

Degmada Doolow ee gobolka Gedo waxaa ku sugan mas’uuliyiin horey uga tirsanaa Dawladda Federaalka Kumeelgaarka Soomaaliya, qeybo kamid ah Culimada Ehlusuna iyo weliba malayshiyaad farabadan oo halkaasi ku ilaaliya, kuwaasi oo abaabul dagaal kawada degmada Doolow, iyagoo qorshahoodu yahay sidii ay dib gacantooda ugu soo celin lahaayeen gobolada Koonfur Galbeed Soomaliya, oo ay haatan gacanta ku hayaan kooxda Alshabaab.

[ToughGong]

WTF IS GOING ON IN THE WORLD
WHAT'S WITH ALL THIS DESTRUCTION AND PLANNED DESTRUCTION