Jen. Maxamed Nuur Galaal oo ka mid Saraakiishii hore ee Ciidamada Xooga dalka ayaa taageeray dacwada lagu soo oogay Wasiirkii hore ee Gaashaandhiga Jen. Maxamed Cali Samatar oo haatan ka bilaabatay Maxkamad ku taal dalka Mareykanka.
Jen. Galaal oo ay isla soo shaqeeyeen Cali Samatay ayaa ku eedeeyay inuu sabab u ahaa xasuuqii loo geystay dadka ku nool Gobolada Waqooyi, isagoo tilmaamay in dadkaas la rafaadiyay.
"Runtii Dacwada lagu soo oogay Maxamed Cali Samatar waa wax sax oo uu ku muteystay dhibaatooyinkii xumaa ee uu ka geystay Goboalda Waqooyi"ayuu yiri Jen. Maxamed Nuur Galaal.
Waxaa uu sheegay Galaal inuu isaga dhageystay amarka uu bixiyay Jen. Cali Samatar, kaasoo uu sheegay in diyaarado lagu garaacay deegaanada Gobolada Waqooyi ilaa dadkii ay ka gaareen xuduuda Ethiopia.
“Dad badan ayay meeshaas ku rafaadiyeen, wixii qaxayay ayay dayuurado kala dabatageen ilaa xuduuda Ethiopia ay ka galayeena waa ay sii garaacayeen, Maxamed Cali Samatarna halkaasi ayuu joogay oo waxaan dhageystay isagoo dhahaya amarkaasi aniga ayaa bixiyay marka dad shacab ah in la xasuuqo diin fasaxeysa iyo nidaam fasaxa malahan”ayuu yiri Galaal oo eedeyn kulul u jeediyay Cali Samatar.
Dhageysiga Maxkamada Cali Samatar ayaa xalay ku soo gaba gaboobay fashil, kadib markii uu muran weyn uu ka dhashay qaabka Maxkamadeynta, waxaana jiray is afgaran waa soo kala dhex galay Garsooyaaashii Maxkamada oo ku aadan qaabka loo qaadayo dacwada.
Hoyga wararka Somaliyed
www.Jowhar.com
