Sheekh C/raxmaan Abyad oo la filayo in maalmaha soo socda xoriyadiisii loo soo celiyo.
Warkii 06-Mar-2010 iyo Qormadii: NEWS
Sheekha magaalada Kobenhagen ee dalka Denmark Sheekh C/raxmaan Abyad ayaa waxa dhowaan ciidanka dalkaasi ay xabsiga u taxaabeen 5 nin oo soomaali ah oo uu sheekhu ka mid yahay,kuwaasoo lagu eedeeyey inay damacsanaayeen inay dilaan islaan hogaamisa xisbi ka mid xisbiyada dalka Denmark,balse markii danbe markii wax cadayn ah kiiskaas loo waayey ayaa Sheekh Abyad oo mudaba ay daba socdeen ciidanka sirdoonka wadankaasi,waxay u sameeyeen kiis been abuur ah,oo waxay lacag been abuur ah ku dhex dareen lacag laga qabtay guriga Sheekha oo ay lahayd islaan eedadiis ah oo guriga qol ka degenayd.
Hadaba si aan xogta dhabta ah ee Sheekhaas ugu soo bandhigno bulshada ayaa waxa aan la xidhiidhnay ehelada Sheekhaas,oo qaarkood ay walaalo yihiin waxayna noo sheegeen in rajada in la soo daayo Sheekhu ay aad u sarayso,maadaama wax danbi ah oo lagu hayaa aanu jirin.
Sheekha ayaa waxa maxakamad la soo taagay 13 March,kadibna waxaa la weydiiyey in lacagtaas faalsada ah uu isagu leeyahay,wuxuuna sheegay in aanu lacagtaas isagu lahayn,oo ay leedahay eedadiis oo ah qof indhool ah oo gurigiisa qol ka deganayd,ayan lacagta la qabtay ahayd lacagtii beeshinka(pension),oo ay sanduuq gurigeeda ku yaala ku kaydsan jirtey,uuna aaminsan yahay in eedadiis aanay marnaba wax lacag oo faalso ah guriga ku haysan.
Makray halkaas maraysey ayaa ninkii qareenka muduciga ku ahaa Sheekha ayaa waxa uu codsaday in maxakamada la horkeeno Sheekha eedadiis,si loo weydiiyo inay lacagtaas iyadu leedahay iyo in kale,waxaana maxakamadii dib loogu dhigay si lacagtaas lahaanshaheeda loo weydiiyo Sheekha Eedadiis.
Maalmihii aan soo dhaafnay oo la filayey in mar kale sheekah maxakamada mar labaad la horkeeno ayaa mar kale dib u dhacday kadib markay xanuunsatay Sheekah eedadiis oo laga sugayey maxakamada,basle waxaa ehelada Sheekhu noo sheegeen in hada loo ogolaaday in la booqn karo,oo maalmaha soo socda ay xabsiga markii ugu horeysey ku booqan doonaan dhowr qof oo ka med ah ehelada Sheekha.
Dhanka kale kumanaan ka mid dadka soomaaliyeed ee ku nool magaalada Kobanhagen ayaa hadh iyo habeenba u taagan sidii ay usoo furan lahaayeen Sheekhooda,waxaana maxakamada hortubnaa wakhtigii maxakamda la horkeenay kumanaan ka mid shacabka soomaaliyeed oo dalbanaya in la soo daayo Sheekha.
Sheekha ayaa mudaba waxaa isha ku hayey ciidanka sirdoonka wadanka,iyaga oo aan jeclaysan durusta,muxaadarooyinka iyo hawlaha khayrka leh ee uu u hayo umada soomaaliyeed ee wadankaas ku nool.
Sheekha ayaa waxa horayba loogu diiday in la siiyo baasaboorka wadankaas,iyadoo la siiyey caruurtiisa iyo xaasaskiisaba,waxaana ujeedada ugu weyn ee loo qabtay ay tahay in al aamusiyo,oo lagu rido argagax.
Sheekha Abyad ayaa waxa lagu xasuustaa muxaadarooyinkii uu jeedin jiray wakhtigii lagu soo duulay wadanka Soomaaliya,ee ay qabsadeen Itoobiyaanku,muxaadarooyinkaas oo aan gaaladu jeclaysan.
qaar jeberti ah aya so sheegay waliba, oo basaasiina 
Oo su'asha meesha talaa waxa weeye , somalida ayaa keenay Denmark?
