Sunday, 14 March 2010 04:43
XINGALOOL::Waxa Maanta lagu Dilay degaan aan ka fogayn Tuulada Sarmaanyo Allah ha u naxariistee Fatxi Yuusuf Muxumud oo ka soo jeeda Magaalada Xingalool ee Gobolka Haylaan, waxa sidoo kalena lagu dhaawacay oo ay ku dhacday sadex xabadood, hadana ku jira Dhakhtarka Weeyn ee Degmada Xingalool Maxamed Cawil Jaamac Dhahar oo isaguna ka soo jeeda isla degaanka Xingalool.
Maanta oo Sabti ah ayaa Gaari laga leeyahay magaalada Xingalol wuxuu aaday Degaan lagu magcaabo Adin dacare oo ka xigta dhinaca galbeed Tuulada Sarmaanyo qiyaas ah dhowr iyo labaatan KM si uu uga soo qaado Niiska guryaha lagu dhisto halkaa,hase ahaatee waxa dhexda u galay Rag ka soo jeeda degaanka Carooleey oo ku faray xabado gaarigii iyagoo Dilay marxuumkaas Allah ha u naxariistee dhaawucuna uu soo gaarsiiyey Maxamed Cawil.
Allsanaag oo la xiriirtay waxgaradka Magaalada Xingalool waxay noo sheegeen in isla mantaba ay la soo hadleen Waxgaradkii iyo odayaashii Carooleey uuna ka mid ahaa dadkii soo hadlay Maanta Garaad Mashqane oo qirtay in falku ka dhacay degaankooda ayna isla garteen labada dhinacba in Xaalada la qaboojiyo lana bilaabo wadahal,oo isla caawaba uu bilaamay wadahadalkii iyaga oo si fiican laysku af gartay.
Allah u naxariistee Fatxi waxa lagu aasay caawa magaalada Xingalool.
source allsanaag+hadaaftimo media
-----------------------------------------------------------------------------------
The Northern Sool, Maakhir frontier- Maakhiris vs Somalilanders let it begin
