Ashahaado la dirirkii la waa aragtidoodiiye
Ayagaba amuur baa heshoo aabi laga raacye
Aflibaax inay galeen uunku wada sheegye
Altallariga markii lagu ridey oradka boobeene
Agab waxay wateenna aayar lagaqaadye
Arxan loomagalin nimankii afafka duubnaaye
Unuunkaa ka wada go'an raggii soo ahaan jiraye
Adimada ayey taagayaan aagga Guriceel e'
Amakaag baa ka haray wixii aaminaanjiraye
Aduunyada waxay mudanyihiin waaba aragnaaye
Aakhirana Ilaahow ka goo' eeyda goorta lehe
Wax dhanbaa hayrayaal Shabaab hadal la gaarsiiyey
Wax dhanbaa halaag looga digay har iyo habeene
Haadduse nimay saarantahay baan hadal ladeeqsiine
Horarkaba nimankii ahaa wiilal baa helaye
Ayagoo harmiid leh ayaa hawdka lagu laayey
Halyey waxay ku sheegeen ayaa haadku cunayaaye
Hoobiyaha markii lagu harqiyey oo hugunku uu yeeray
Hawsalka iyo faalkiyo markii holucu uu leefay
Hareeraha markii laga galoo hooto lala eegtay
Ma hubsan halkii looga yimid iyo hawshu saytahaye
Ayagoo is-haaraamayey baqo huleeleene
Haraadigii ka harayna mar un waa la soo heline
Huwantaan la buunbuunshay dagaal holibamaayaane
Haweenka iyo caruurtay hanaqa gooyaane
Hul un bay ilmaha lagalin oo horin ku fuulaane
Hawlgal dabadeed bay hoggaan dalaq ku siiyaane
Hadimada kuwii qoolay baa talo la haybshaaye
Haadaanse in loo qodey hoosta ka xariiqin
Har cad inay dhagax ku hoobsheenna waaba la hubaade
Hal ku dhigayga maansada Allow hiillo igu siiyoo
Haawaydaan la soo diray waqaa halaagtaaye
Hal Ilaahow ka dhawr oo hakala reebin
Haawiyana Ilaahow ku tuur iyo holicii naareede
