Wasaaradda Kaluumaysiga iyo Kheyraadka Badda Puntland oo Wax Ka Qabanaysa Jariifka Xeebaha
Wasaarada Kaluumaysiga iyo Kheyraadka Badda Dawladda Puntland ayaa sheegtay in ay wax ka qaban doonto kaluumaysiga sida sharci darrada ah kasocdo xeebaha Soomaaliya gaar ahaan kuwa Puntland.
Wasiirka Wasaarada Kaluumaysiga Eng.Maxamed Faarax Aadan oo wareysi siinayay warbaahinta Horseed Media ayaa sheegay in Wasaaradiisa ay sanadkaan 2011-ka qorsheyaal badan la imaan doonto.
Wuxuu sheegay in Hay’ado ay kamid tahay UNDP ballanqaaday mashaariic horumarineed,waxaana kamid ah in Iskuul lagu barto cilmiga Badda laga furo degaanada Puntland.
Wasiirka ayaa intaas raaciyey in cabashada kasoo yeeraysa Kaluumaysatada ay wax ka qaban doonaan isla markaana la dagaalami doonaan maraakiibta jariifka ku haya Xeebaha.
Xeebaha Soomaaliya waxaa si sharci darro ah uga kaluumaysta gaadiid badeed kuwaas oo gurta Kheyraadka Badda Soomaaliyeed wixii ka dambeeyey burburkii Dawladdi dhexe.
Horseed Media
