Ciidamada Itoobiya oo la wareegay gacan ku heynta magaalada Guriceel.
Print here| By: allgedo.com: Sunday, March 6, 2011 // u Jawaab
Related ArticlesBoqolaal katirsan ciidamada Itoobiya ayaa goordhaw soo galay magaalada Guriceel ee Gobolka G/gaduud oo sanadadii lasoo dhaafay ay ka talinayeen Ururka Ahlusuna.
Goob jooge ku sugan magaalada Guriceel ayaa sheegay in ciidanka Itoobiya oo watay gaadiidka xamuulka ee Uuraalada loo yaqaan ay gudaha usoo galeen degmada waxeyna degeen duleedka iyo gudaha magaalada.
Ciidanka galay magaalada Guriceel ayaa lagu qiyaasay ilaa iyo 850 Askari oo u dhigma Hal guuto oo ciidan ah waxaana lafilayaa in ay magaalada sii joogaan.
Maleeshiyaad taabacsanaa Ururka Ahlusuna oo magaalada ku sugnaa ayaa loo diray dhanka Dhagaxyaale oo ay isku hor fadhiyaan xarakada Shabaab iyo kuwa Ahlusuna.
Gebi ahaanba waxaa albaabada loo laabay ganacsigii magaalada waxeyna dadku u dheg taagayaan isbedelka ku yimid gacan ku heynta magaalada.
Ciidanka oo shalay gelinkii dambe gaaray duleedka degmada Guriceel ayaa saaka gudaha usoo galay magaalada waxeyna wadaan baaritaano ay ku sameynayaan xarumaha shirkadaha Isgaarsiinta, waxaa socda dhaq dhaqaaqyo ay ciidamada Itoobiya ku abaabulayaan Maleeshiyaad dhawaan Tababaro kusoo qaatay dhulka Soomaalida ee Itoobiya maamusho.
Source: Allgedo.com
