melez speaks they come out singing.

[zingii]

Meles Zenawi: “Waan soo dhawaynaynaa heshiiskii labada Shariif”

Addis’ Ababa: (Sh. M. Network) Bayaan kasoo baxay dowladda Ethiopia ayaa lagu sheegay in Ra’iisul wasaaraha dowladda Ethiopia Meles Zenawi uu taageersanyahay heshiiskii ka dhacay Magaalada Kampala ee Xarunta dalka Uganada halkasi oo ay ku heshiiyeen Madaxweynaha dowaldda KMG Soomaaliya Sheekh Shariif Sheekh Axmed iyo gudoomiyaha barlamanka Shariif Xasan Sheekh Aadan.



Bayaanka aya waxaa lagu sheegay in dowladda Ethiopia ay taageersantahay in shir lagu qabto gudaha Magaalada Muqdisho halkaasi oo lagu dhex dhexaadinayo dhinacyada isku haya siyaasadda dalka Soomaaliya.



Warbixintaani kasoo baxday Madaxtooyada dalka Ethiopia ayaa waxaa si wayn loogu soo horjeestay banaanbaxyadii ka socday dalka Soomaaliya oo lagu taageerayay Ra’iisul wasaarihii Xukuumadda KMG Soomaaliya, waxaana bayaanka daaha looga qaaday in dibadbaxyadaasi uu soo qaban qaabiyay gudoomiyaha Maamulka gobolka Banadir ee dowladda KMG Soomaaliya.



Bayaankaani ayaa waxaa sidoo kale lagu shegay in dowladda Ethiopia ay garab taagan tahay had iyo jeer dowladda KMG Soomaaliya iyo Ciidamada Midowga Afrika ee AMISOM kuwaasi oo dagaallo xoogan kula jira Xarakada Al Shabaab.



Ugu dambeyn bayaanka ayaa waxaa lagu soo dhaweeyay dilkii Ciidamada Xoogga dalka Soomaaliyeed ay u gaysteen Hoggaamiyihii Ururka Al-qaacidda ee bariga Afrika Fazuul Cabdalla taasi oo ay ku tilmaameen inay yaraynayso awoodda ay lahaayeen Xarakada Al Shabaab.



Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.

NALA SOO XARIIR webmaster@shabelle.net

[zingii]

Faroole oo sheegay in la maalgaliyay banaanbaxyadii Muqdisho



Garoowe: (Sh. M. Network) Madaxweynaha Maamul goboleedka Puntland C/raxmaan Sheekh Max’ud Faroole oo maanta furayay kala fadhigii 26-aad ee Golaha Wakiilada ee Mamaulka Puntland ayaa waxaa uu soo hadal qaaday arimo dhowr ah oo quseysa gudaha dalka Soomaaliya.



C/raxmaan Sheekh Max’ud Faroole ayaa waxaa uu sheegay in banaanbaxyada maalmihii u dambeeyay ka dhacayay Magaalada Muqdisho iyo gobolada dalka Soomaaliya ee lagu taageerayay Ra’iisul wasaaraha Xukuumadda islamarkaana lagu diidanaa shirka Madaxda dowaldda ee Magaalada Kampala ayaa waxaa uu sheegay inay maalgaliyeen mudaaharaadyadaasi shaqsiyaad gaar ah oo ka tirsan dowladda KMG ah.



Faroole ayaa waxaa uu sidoo kale soo hadal qaaday amaanka guud ee deegaanada Puntland iyo dilal dhawaan ka dhacay Magaaladaasi, isagoo arimahaasi ku eedeeyay dad uu ku tilmaamay aargigixiso oo doonaysa inay qal qal galiyaan jiritaanka Maamulka Puntland.



Madaxweyne Faroole oo qudbadiisa ay dhinacyo badan taabanaysay ayaa waxaa uu sidoo kale ka hadlay dagaal dhowaan ciidamada Maamulka Puntlnad ay la galeen wadaadka lagu Magacaabo Sheekh Max’ed Saciid Atam kaasi oo ka dhacay Buuralayda Galgal, isagoo tilmaamay inay gacanta ku hayaan deegaankaasi Ciidamada Maamulkiis.



Ugu dambeyn ayaa waxa uu ugu baaqay Madaxweynaha Puntland laamaha kala duwan ee bulshada inay la shaqeeyaan Hay’adaha amaanka si looga hortago dadka falalka amaan dari ka gaysanaya deegaanada Maamulka Puntland.



Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.

NALA SOO XARIIR webmaster@shabelle.net

[zingii]

Shariif Xasan: “Barlamanka ayaan horgaynaynaa heshiiskii Kampala”



Muqdisho: (Sh. M. Network) Gudoonka sare ee barlamanka KMG Soomaaliya ayaa sheegay in Xildhibaanada barlamanka ay u soo bandhigi doonaan waxyaabihii kasoo baxay heshiiskii lagu soo garay Magaalada Kampala ee Xarunta dalka Uganda.



Gudoomiyaha barlamanka KMG Soomaaliya Shariif Xasan Sheekh Aadan iyo wafdi balaaran oo uu hogaaminayay ayaa maanta waxaa ay kasoo dageen Garoonka diyaaraha ee Magaalada Muqdisho halkaasi oo ay si diiran ugu soo dhaweeyeen Xildhibaano ka tirsan barlamanka Soomaaliya, Saraakiisha Ciidamada, qaar ka mid ah Xisbiyada Siyaasadeed ee ka jira dalka iyo Golaha Nabadaynta haweenka Soomaaliyeed.



Gudoomiyaha barlamanka oo intaasi kadib shir jaraa’id ku qabtay hoyga uu ka daganyahay Magaalada Muqdisho ayaa waxaa uu sheegay in Xildhibaanada barlamanka looga baahanyahay inay u istaagaan badbaadin qaranka Soomaaliyeed, isagoo intaasi raaciyay in laga ma maarmaan ay tahay in wixii khilaafaad ah lagu dhameeyo wada hadal.



Shariif Xasan Sheekh Aadan oo hadalkiisa sii wata ayaaa waxaa uu sheegay in is mari waaga siyaasadeed ee u dhaxeeya Madaxda dowladda looga baahanyahay in Xildhibaanada ay xal kama dambeysa ah ka gaaraan si loo samato bixiyo shacabka Soomaaliyeed, isagoo tilmaamay in qodobadii kasoo baxay heshiiskii Kampala ay horgayn doonaan gudoonka barlamanka.



Imaashaha gudoomiyaha barlamanka ayaa waxaa ay kusoo aadaysaa xili muddo ka badan 4-bilood ay wax kulamo ah aysan yeelan Xildhibaanada barlamanka, iyadoo qaar ka mid ah Xildhibaanada ay ku eedeeyeen gudoomiyaha barlamanka in uu ka meer meerayo in la qabto fadhiya barlamanka Soomaaliya.



Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.

NALA SOO XARIIR webmaster@shabelle.net

[CORRUPTION]

[ciyaal_warta]

like a father like a son.........they came out singing once their father blow out the whistle