Sheekh Shariif oo baaq u diray Somaliland (Sawirro)
Muqdisho: (Sh. M. Network) Madaxwaynaha dowladda KMG Soomaaliya ayaa ugu baaqay Maamulka Somaliland inuu la midoobo Soomaaliya inteeeda kale.
Madaxweynaha dowladda KMG Soomaaliya Sheekh Shariif Sheekh Axmed oo ka hadlayay munaasabad uu soo qaban qaabiyay Maamulka gobolka Banaadir ee dowladda KMG Soomaaliya ayaa waxa uu sheegay in Maamulka Somaliland looga baahan yahay inuu la midoobo Soomaaliya inteeda kale.
Sheekh Shariif ayaa waxa uu tilmaamay in Umada Soomaaliyeed aysan dan ugu jirin kala qeybsanaan midnimada ay tahay shay muhiim ah, isagoo sheegay inay jiraan waxyaabo aan badneen oo Somaliland ay ka tabaneyso Soomaaliya inteeda kale kuwaasi oo Madaxweynaha uusan carabka ku dhufan hase ahaatee waxa uu tilmaamay inay diyaar u yihiin in xalinta waxyaabahaasi ay kala hadlaan Mas’uuliyiinta Maamulka Somaliland.
Madaxweynaha dowladda KMG Soomaaliya ayaa u mahad celiyay Wafdiga ka socda Maamulka Somaliland ee ku sugan magaalada Muqdisho kuwaasi oo uu sheegay inay soo dhaweynayaan.
Sheekh Shariif Sheekh Axmed oo soo hadal qaaday Maamul goboleedyada mudooyinkii dambe looga dhawaaqayay dalka ayaa waxa uu marka hore sheegay in dowladda ay qabto in la dhiso Maamul goboleed balse waxa uu gaashaanka u daruuray in Maamul goboleedyada aan sharciga aheyn ee looga dhawaaqayo dalka Soomaaliya kuwaasi oo uu Madaxweynaha sheegay in marnaba aysan aqoonsan doonin dowladda KMG.
Todobaadkaan gudihiisa ayey aheyd markii Ra’iisul wasaaraha Xukuumadda KMG Soomaaliya C/wali Max’ed Cali uu sheegay in Maamulka Somaliland uu ka mid yahay Soomaaliya, isagoo xusay inay wada hadal la gali doonaan Maamulkaasim oo wali Mas’uuliyiintooda aysan ka hadlin baaqyada ay jeedinayaan Madaxda sare ee dowladda.
He is in no position to talk about this issue. A person under shabaab siege does not need new enemies at this time.
