Gabayadii Cisman Khaliif Xarbi Ismaaciil

[BestPlaya]

ABWAAN CISMAN KHALIIF XARBI ISMACIIL


Gabay Kowaad : "Hadaydaan ilaahay u caban,cifani maysaane "






1.Codka gabay waayadan ma tirin ,Caajis bay galaye

2.Indhawaydba waakaan casilay,Cidaan u sheegaaye

3.Caamadan i weeydiisay iyo Culimadaan diiday

4.Bal aan curiyo ,caawaba haday igu
canaanteene

4.Cilmi kaygu weeye,ma aha sheey Ciyaar Gala e

5.Cirkuu naga irsaaqaa,rabigii caadilka ahaaye

6.Carradiyo dhulkuu noo qooyaa,laga casheeyaaye

7.Cimilada aduunka isbadali ,beriba waa cayne

8.Candha qoys,Cambaar-
rogo ,dogmo ,dirirkii Cawleede

9.Cagaariyo Nabaadkii yaraa,Cawskii xooluhuye

10.Geel-jire ciyaartii ma tumo ,goor cawaysinahe

11.Caanuhuu hortii daadin jiray ,kama cadaystaane

12.Carcaaraf mooye ma aha nimcadu caynkiiye

13.Caydha,saboolkiyo ,faqriga laga cabaadaayo

14.Ciideena khayraadka yaal,ee la cuni waayey

15.Ee ceel shidaaliyo biyaba,Cidi usoo saarin

16.Ee gaajada looga caban, waa cilmi la'aane

17.Aduunyadan cakaaraha gashiyo ,dunidan ciiryoontay

18.Caynkay tahaan ,cabdoow kuu cabirayaaye

19.Ilaah baa casiiyee, kolkii laga cabsoon waayey

20.Caqiidada xumaatiyo,kolkuu camalku doorsoomay

21.Dadkii caasi mooyee ,kolkii caabud laga waayey

22.Cawradiyo fuxshiga ,kolkaan layskuba ceebaynin

23.Ee Xishoodkii ceel dheer lagu ridee,calawgii soo saarnay

24.Uu Cadow u yahay kii la dhalay,caaqilkii koriyay

25.Cilmi iyo Caqli kii lahaa cidi ma weeydiine

26.Codkoodi ma dhiibtaan ,ragii caalimka ahaaye

27.Waligii cirfaan iyo abwaan ,cidi ma qiimayne

28.Kol haday cadaaladii luntoo,cidiba aan haynin

29.Nabadu ceel weeyee ,kolkaan caymasha u gooynay

30.Kolkaasaa cirfiid na lagu salliday ,ama cafaariide

31.Cir-cadaadi baa lagu jiraa ,Ciiro iyo qiiqe

32.Colaan jiho lahayniyo ,Dhibkuna caado noo noqoye

33.Ciqaabtaad arkaysaa,waa camaladeeniiye

34.Hadaydaan ilaahay u caban, cifani maysaane

[BestPlaya]

Gabay 2: Tixda Santar-Laydh (Satellite)



1.In dhawaydba suuganta gabay ,waan ka saahidaye
2.Sadrigiyo qalbiga waataan ka jaray,sadarkii dheeraaye
3.Caawana hadii laygu saray,soofaan marine
4.Sidii aabahay iyo Xarbiga,suugaantii sheekh Faarax
5.Sarbeebtii Ismaaciil Xirsiyo ,Samatar maan sheego
6.Maan wabiga siiqaha iyo gacamo,sii daayo
7.Dadka kii ka seexdiyo ,kii sugayeyba loo yeedho
8.Meeshiyo salaadii kolkaa,sowdka maqashiiyo



9.Sifada,awoodiisa ,iyo saatirnimadiisa ilaahay
10.Samayntii aduunya ,kolkuu samada uu taagay
11.Dhulka hosana noo sallaxay,siigiyo boodhba
12.Ee sulux banaan kama dhigine,midho kasoo saaray
13.Marna sabar xareeda iyo biyaba ,aayar naga siiyay
14.Ee Makhluuqa saadee,dhamaan suuq ukala yeelay
15.Nafba saamiguu u qoray,aan midka kale siinin
16.Ee dharaar siraad ah iyo habeenba saacado u yeelay
17.Ee samada roob nooga furay,yaa sujuud mudane
18.Sababtuu u jeedaa ahayd,suubanoow nabiye
19.Sala-waatulaahiye rasuul,salaxdiibaa nuur leh


20.Kolkuu Aadan soo saaray ,oon wadan saaxiibo
21.Sujuduu iblays diiday iyo amarkuu siiyay
22.Waa kii sidaa lagu nacladay ,saa'idi waa naare !
23.Sarartii la jeexiyo kolkii feedha laga saaray
24.Ee Xaaawo sawj looga dhigay ,ubadna uu siiyay
25.Qaarbaa ilaahay samiyoo ,saaqidaye
26.badhna saalixiin iyo ambiyo,saafigii noqoye
27.Seef laysku qaatiyo ,warmo ,sun iyo waabeeyba
28.Isa seegu meeshuu kadhacay,sababtii weeyaane
29.Soo-raaca diintiyo,kuwii sanamyada qaatay
30.Labadii safay kala noqdeen,laysma saamixine
31.Mucjisooyin baan kuu sawirayaa ,saad u garataaye


32.Ree Nuux biyaa lagu salliday ,subax arooryaade
33.Intuu doonta saaraa baxdoo,lagu salaam yeelye
34.Namruud samada leebkuu u ganay,sii wax loo mariyay
35.San kaneecadii loo diray,yuu salalay gaalkiiye
36.Madax ii sameeyuu kuyidhi,kaaba waan sidane
37.Kurka seef looga jaruu,siiyay amarkiiye
38.Caadiyo Samuud ,fircoon suu u baabi'iyay
39.Waa waxay sameeyeen ,kolkay samihii diideene
40.Ree Luudna raguu saartay buu ,eeday sababtiiye
41.Malaaigo sayaaxayoo ,suuro aadmiya leh
42.Oo Salaaamay nabigii ,waakay socoto moodeene
43.Dabkay saartay habartii,qoryuhu seey u ololaane
44.Samadaa dhulkii loola jaroo ,loo gambiyay saase !


45.Socod dheer ninkii kaga maqnaa,dahabna sii qaaday
46.Arbiciin dharaaraa lasugay ,socotadiisiye
47.Sadex kunoo maroodiya ,ninkii subax kusoo duulay
48.Ee yidhi "kabcada saan u galo ,saaka ila dhowra!"
49.Sawaariikhda naarta ah ,shimbiro amarkii loo siiyay
50.dhakaday ka saareen ,midh qudha lalama seegayne
51.Saacad qudhaa lagaga dhigay,saxar caleemeede
52.Saasuu Abraha ku lumay ,Geeshka uu sidaye
53.Siduu doono ma helo Aadmigu,inuu sameeyaaye
54.Waxba arartu yeyla siqine,waxaan Ku sii daayey
55.Sugaan laguma koobi karo,samanba taariikhe
56.Sidaaseey aduunyadu ahayd ,waa silsilad dheere


57.Ha yeeshe su'aal baan kudari ,saad u garataane
60.Hadaan gudinta soofaha lamarin ,sirrila aan duugin
61.Oo sidada daabkii ku jirin ,qori ma seerteene
63.Hadaan mindidana saayaq tumin,hilib ma saafteene
64.Oo saawir beey noqon lahayd ,seed aan kala goyne
65.Salka qarafka baaruuda ,hadaan gumaca loo saarin
66.Oo maarta saab looga dhigin,sarana loo jeedin
67.Oon loo samayn Keeb ,dubuhu leebka koru saydho
68.Sumuc iyo gataallaha dhacaa,sowd ma bixiyeene
69.Ragna saanta wayniyo hilbuhu ,sad uma gooyaane
70.Waa siinta Eebahay caqligu,Suurad gooniya e


71.Ha yeeshee sadar kalaan ku dari ,saad u garataaye
72.Dhanaan saa u wayn malaha ,hadana sayri waa milixe
72.Lama cuno sideedaba ,hadana seedi waa hilibe
73.Sanqashadu dhawaaq maleh,hadana waa tilmaan sugane
74.Sallaanna maaha jiidsin,hadana waa dul socotaaye
75.Saawiri af maleh ,ruuxna weey sari taqaanaaye
76.Biyo soor ma yeeshaan,hadana waa la sahaydaaye
77.Nafta wad isma seegaan ,hadana maaha saaxiibe
78.Sir-ma-qabe lilaahiyana ,biyo saabuu celiyaaye



79.Maan sarbeebtiyo murtida ,egaba kala saaro
80.Aduunyada sarraayiyo naxdini,kama sal guuraane
81.Salna ma aha raadkeedu,waa socotadaa dheere
82.Saamkiyo gantaalada dhiciyo,ololka sayruuqa
83.Kaarahan salloolmee ,birtiisa saxaraha moodo
84.Sunta qaraxday, Naabaalkiyo siigo gubanaysa
85.Samadiyo dhulkaba weerarkaa ,dunida saameeyay
86.Sawaariikhda dhici ,yaad hilaac sarartii moodaaye


87.Samanka aduunkiyo waqtigu,subaxba waa nooce
88.Santar laydhkaan diree,hawada qorayey saadaasha
89.Wuxuu sugay,wuxuu sigay ,wuxuu suxufigii sheegay
90.Sawirkiyo cajaladii,wuxuu filinku soo saaray
91.Somalia ,Ugaandhiyo Hindiya ,Suuqa Ree Yuruba
92.Saxaraha Carbeediyo Kuweeyd ,midowgiu soofyeeti
93.Sanciyo Cadan wixii ka dhacay,tan iyo Soodaanba
94.Falastiin sadkeedii ,yuhuud kuma sagsaagteene
95.Sodonkii Ciraaq weerartiyo ,sababkii loo jeeday
96.Suxalkii Ameerikuu ku dhici ,waa la sugayaaye
97.Iyagana wixii lagu sallidi ,saa-dambuu imane
98.Samirkiyo midnimaa ah,wanaag lagu sal gaadhaaye
99.Sad ma moodo doqontii,carrada saafka loo dhigaye


100.Saar buu dadkaygiina tuman ,sabab la'aaneede
101.Sayid maxamad diide! Xarbiyo sulubadoodiiye
102.haday saajacyadii maqlaan samo u baaqeeysay
103.Oo suugaamahoodii tix galin ,lagu samaynaayo
104.Sadex looma qaybsheen ,xuduud lama sameeyeene
105.Sabool kamaan ahaaneen ,xornimo lagu sayaaxaaye
106.Nukleer aan samayniyo ,hubaad sidan lahaydeene
107.Sancaad baran lahaydeen, intaad samada gaadhaane
108.Waxa saa inoo galay waa midnimo sahashigeediiye

[BestPlaya]

A fulsome pearls of wisdom by legendary poet ,the inheritor of legendary lineage of poets - Ree Ree Samatar dhalin

[guhad122]

Great poet indeed! Waxaan maqlay ilaa lix abtirsi oo ah Cismaan wiilkiisa-Cismaan-Khaliif-Xarbi-Ismaaciil-Samatar inay kuligood haybad ku lahaayeen suuggaanta gabayada. Xarbi, in my view, was the most talented. Here is one my favorite Xarbi poems. Basically, he is telling specific clan to take a good care of their camels since he will be coming for the loot in the near future.

Meeshii dhinbiil badan leh iyo, dhaayin la ogaada
Dhogorteeda jeel baa rogee, dhanaha fuudsiiya
Kaa haatan dhays ihi intuu, dhalayo sii raaca
Dhiilka uun ha eegine nirgaha, dharaq u sii daaya
Cusbada dheegga yaan lagaga rarin, dhaamiyaha awrka
Goortay magaaladu dhashaad, dhadarbiyeysaane
Dhurwaayahay ha iga siisanina, dhar iyo soor toona
Niriggaad ka sii dhaylyeysataan, dhagar u qoondeeya
Dhaqaaleeye geeliinnu way, naga dhexeeyaaye

Saaxiib, please post all Ogadenia and Jubbaland related materials in the Ogaden section since there is no Jubbaland section.

[BestPlaya]

Tixdii : Dadan iyo Daalacan



1.Daahiroow Dabuub gabay ma tirin,deelka maansada e
2.Dibnahayga waataan ka jaray ,een ka dayrsadaye
3.Maantana adaa igu diree,dood ma celiyeene
4.Dadka qaar DADAN buu dhashaa qaarna DAALACANE
5.Qaarbaa haday doob dhabaan,aan dan loo galine
6.Qaarbaa haday kuu ducayn ,ay dareen tahaye
7.Dab munaafaq shiday waxaw gubaa, muumin daacad ahe
8.Ninkii dilay naftaadii ,ileen kuma dayo hoose
9.Dakane iyo nabsigaad gashaa, waad mid kuu darane
10.Dacari rag kama dhamaato iyo sheey damaaciya e


11.Daadaansi weeeyaan,wixii laysku diidaaye
12.Dakhsi wuxuu fuud ugu gubtaa,waa dabaal hore e
13.Duq baa loo tumaa geelu ,haduu meel kasoo dide e
14.Ma dilaa la yidhi maroodigu,qooq nimuun diline
15.Dakhar dhiig mawaayaa layidhi,madax dilaacaaye
16.Diin bariistiyo dirac kallahay,deeq Allaw simane
17.Faras 'daalay' loogama dago,doqoni fuushaaye
18.Dariiqi habeen kaa lumee,dawgii garanwaydo
19.Dibbaa loo noqdaayoo,dharaar waala daydayiye
20.Daray iyo bardaa loo liqaa,midhaha duuduube


21.Ma hungoowdo daacadi ,xaquna waa midaan dumine
22.Duulaan muwaafaqo lahayn,Darajo ma aansado e
23.Dad kalaa adoonsada ,sidii duunyadoo kale e
24.Oo sida dameeraha u raran,saa dambaa tidhiye
26.Dulle iyo ulbaa lala dhacaa,diidi maayaane
27.Dab baase mooday gaaraa-bildhaan,daymadii hore e
28.Dambas iyo ramaal baalidaan,dab ka dayayaaye
29.Dacar iyo unuun baan,macaan ugu dumayaaye
30.Dahab baan ka gaajoon ,daadsan meelaha e
31.Durdur baan ka oomiyo,xareed dooxyahaa wadhane
32.Warkoo daalay duugiisay, doqone dhugataaye
33.Dadkana kii wax garan,yaan fikrado dabacsan siiyaaye


34.Digniin igama yeelaan hadaan daacad u ahaaye
35.Duul dhaga la', yaan 'daadah' leeyahaye
36.Dagoodi,jijeeliyo hawiye ,duuda raxanwayna
37.Danaakilo ,degmada Ciise iyo Diriyo Sheekhaashba
38.Daarood Ismaaciil ,Shariifiyo dooxa Gadabiirsi
39.Dagaa Ala ,Dabkii Noola iyo daalidii Oborro
40.Diidiyo Caruusiyo Ita ,degeladii Booran
41.Dad jajab ah Gariire iyo Aniya,Duubadii wabiga
42.Dadkaan jaarka nahay Dalka ,iyo deris intaan gaadhno
43.Ama diin wadaagniyo Sharciga ,diirka iyo oogo
44.Jinni duufsanaya iyo Iblays daalimaa helaye
45.Dadkaa laysku diraan lahaa,daacad wax ugu sheege
46.ka duw baan lahaa ,balaayada dumisay reerkiiye


47.Dabka shidan bakhtii baan lahaa,yeey dagaalamine
48.Dabar goo qabiilkaan lahaa ,diloo baabi'iye
49.U danee naftoodaan lahaa ,nabad ha daaqeene
50.Isku duubnidaas baan lahaa ,dowlad beey noqone
51.Damaashaad xornimaan lahaa ,waad dabaal dagiye
52.Doollar ooga samee baan lahaa,Dibidiyo awrtiiye
53.Durdurada ka beer baan lahaa,dalagay dhoofshaane
54.Dadkana kii bukaan lahaa,adigu daaweeye
55.Dayuurado samee baan lahaa,duulo oo kaca e
56.Diiwaanka gali baan lahaa,daabac aan gu'ine


57.Dadka ugu sarree baan lahaa,dunida jogaaye
58.Dayaxa hala gaadhaan lahaa,reerahaa dagiye
59.Daadaansiga Ameerikaan lahaa,dakharro gaadhsiiye
60.Dubaha kujiid baan lahaa,doogta weey dhimane
61.Ingriis duqee baan lahaa,yurub dalkeediiye
62.Nukleer ku dabar goo baan lahaa oo dubo israaile
63.Dakanada ka goosaan lahaa,ninkii dayn qabaye
66.Damaacigii gumeysigaan lahaa,dacar ha leefeene


67.Ka dig cadaabkaan lahaa,ineey ku daataane
68.Dadkana ooga gargaar baan lahaa,ineey dambaabaane
69.Dalxiis haw tageen baan lahaa ,daartii aakhiro e
70.Umadaan dadaalkaa faree,danta aanu sheegay
71.Wanaag waxay ka doorteen,xumaan ineey ku doodaane
72.Ma dulleeyo Eebahay,ilaa qolo is doorshaane
73.Cudur daawo loo waayaan ,weli dabiibaaye
74.Weel daba la' yaan dhaamiyaa,deedma buuxsamo e
75.Dan beey tidhi inaan aamusoo,hadalba daayaaye !