Tixdii towbad keenka
Mudanoow Allahayooow maalig baa tahaye
Adaa Muunad iyo lahaa magacyo waawayne
Adaa Macbuud sariyo ahaa lagama maarmaane
Inyaroo masuuba maa hee oo madaxa taagaysa
Idil makhluuq oo dhami aduu kugu madiixaaye
Moowloow miskiin baan ahiyo magac-u-yaalkiiye
Mid xanuuno uu daashadoo maaruqaan ahaye
Mid maroor iyo qalooc maamay baan ahaye
Mid mool sii gala hayoo muquurtaan ahaye
Mid ma huraanka laayacoo meel dhigaan ahaaye
Maquustaan heeyeeshee ihiyo midaan faaruqine
Magan Alloow adaan kuu ahoon ,midig ku saaraaye
Adaan muxubada qalbiga kuugu muraadaaye
Ma jirto cidaan kula simaa ama kugu misaalaaye Alloow mawd inta uu i helin Muslinna i aasin
Macno Allahayoow ii yeel maalig baa tahaye
Maahir Alloow iga yeel oon milicsadaa khayrka
Macaan iyo Alloow iiga yeel,Muxammad kii raaca
Mas'alada Alloow i waafaji maxabadii diinta
Alloow muuqeeyga uu muslinku jeclaystaaye
Alloow miisaanka aakhiro aan janno mutaystaaye