Quotes from Ogaden Poetry

[Seedyare]

Cabdiwali sh biixi ,gabay gumaysi diid ah


Nuur Jiir tawaawicii ku bogay, tuu markii wadaye
Aniguna tixdiisii waxaan, ugu tayaagooday
Waa qoon halkii taabatiyo, dacar i taagnayd e
Tabtii Gurey bilaabaha miyaan, toban ku layn waayay
Gudin bayla taag ahe miyaam, tuman aqoon waayay


cabdi wali waa ninkii u lahaa Yusuf dheere oo gabyaa wayteen ah


Sano nool abwaan baa murtida laga ishaartaaye
Eeggana waxaa laga tabshaa adiyo Dhoodaane

[Seedyare]

CABDULLAHI BADAL CABDI QAMAAN


Waxse lagu uruurshaa ra'yiga, ama is raac keena
In la helo awood gobonimo iyo, xeer Islaamiya e
Hadii kalana eed kama baxdiyo, aano iyo qoys e
Markaasay utuni beerantaa, lays ku aynaba e
Aafadu kolkay durugto ee, lays ka wada aarto
Agoon dhalata mooyee markaan, axadna guulaysan
''Adaa ii leh'' iyo eersashay, ku intihootaaye

[Seedyare]

SSDF was the first rebel group against Barre's regime .Kaadheri artistically pointed out the root cause of all the clan-based rebellions that destroyed Somalia.

Cirka oo kalkii hooray oo, karadha soo daayey
Raxmad Eebaheey keenay oon, kala go'ayn waayo
Kalay buuxa dhiijaamo kidh ah, rahu ka dhaaleeyey
Kaymaha caleemoobay iyo, doogga kala seexday
Umad nabad ku daaqdoo xornimo, ugu kifaaxaysa
Oo aan kadeed iyo dhib qabin, kala irdhaysiiya
Oon diin ku kala leexan oo, yahay kitaabkoodu
Kalaamkii Ilaahay ku yidhi, koonka anigaa leh

Kol qudha' wixii kala furfuray ee, kooxba dhan u caydhshay
Waabay kankoontiyi wixii, kiciyay duufaanta
Markii aan u kuur galay in badan, kadiso waa yaab e
Diiwaanka kaydiya dhacdada, kala rogoon baadhay
Kudkii Bari ka yimid baa kulkiyo, keenay aafada e

[Seedyare]

Hoga tusaalaynta ,sarbeebta iyo xaaladaynta gabayga ayay Ugaadeenku ku caan baxeen halka iidoorku cibaaro iyo waayo -hadalka maansada xooga saaraan .

Fidhin oo sarbeeb iyo xaaladayn ku sawiraya Somalidii kala irdhoowday iyo waliba wuxuu asagu markaa xalka u arkayay.Geela baadidu gashay ee lagu daba daalay waa Somalida kala furfuratay ee cidiba meel isku ooday.


Dul caagag leh, ciid iyo bannaan, ciiri iyo buuro
Cal guduudan, suubaan cantara, amase doox caws leh
Cinjir dibir leh, coolida madow, webi callaalkiisa
Horweyn cimidha adigoo watoon, ciidan badan haysan
Cooflaha libaaxiyo adigoo, col uga yaabaaya
Cawo-daran hadduu kaa lumiyo, goor casar ah geelu
Carro-edeg cad-ceedsiga haddaad, meel cabbiri weydo
Carsaanyada sideedii haddaad, gees kastaw cararto

Adigoo curaan-cura jaboo, caga gubyoonaaya
Hadba waxaad cal fuushaba markaad, socod ku caatawdo
Haddad weydo meel uu cag dhigay, ama cid uu raacay
Arbacuunka ceesaan cad baa, loo cammayn jiraye
Cayni qabadna waa lagu dayaa, caaradkii luma e

[Seedyare]

Here is another showdown of DHoodaan's unparalleled poetic prowess. In the below excerpt, Dhoodaan is describing the importance and how some of the Somali herbal medicine can be made.


Markay Uneexo rays dhaadhidee, dharabka doogowdo
Dhawr geed haddaan soo rujoon, dhamac yar taabsiiyo
Markay dhuudhi roortee humrigu, dhidid ka soo daayo
Dhudhun lagu maroojiyo intaan, xoog isugu dhaabo
War dhaydaan ka tuujiyo waxaan, dharaq ka soo miiro
Kob dhawrsoon intaan sii dhigtoo, dhababo oon huursho
Oon Jinow dhanaan iyo haddana, dhoon Tobboga keeno
Oon tiina taa dhiil qarsha ah, kula dhadoobeeyo
Dhuubaan kolkay soo baxdooy, dhiin casuus noqoto
Qof dhilmaayo soo tuurtay oo, kaar u dhimanaayey
Haddaan xidid sintaa kaga dhuftoon, dhaash! kaga siiyo
Dhaqso inuu bogsoodaaba way, dhici karaysaaye
Ma dad dhoohan baan nahay, maxaan taa la dhugan weynay?


Dhafaruur dhunkaal lagu qasiyo, Dhayga badhidiisa
Dhiqle mayna reebteen waxbaba, yey dhurwaa diline
Dhii-dhiitiida kama liidateen, laygu dhacayaaye
Ma dad dhoohan baa nahay, maxaan taa la dhugan weynay?

[Seedyare]

Ogaadeenka qab iyo han kama suulo inkastooy talaxumo kolalka qaar dawyo ka tuurto

Ogadeenkii hore waxay dileen jilib culustii guumaystaha sida: Jenner , Alyan dheere (Francis Elliot), Lee Bowyer( Ninkii loogu magac daray magaalada Lbooyo Keenya) .Sidoo kale, Koofil ciidankii dilayna qayb bay ka ahaayeen.

Rug-cadaa Gandaal oo dareemay 90kii in Maraykan iyo UNITAF hiil u galeen Majeerteenka ayaa tix-dan DHIIRA-NAANTU ka muuqato ku karbaashay ama ugu goodiyay Maraykan,hade waa maraykanka kibir iyo itaal ba sheegtay


In kastoo madaafiic dhacdiyo ,wadato dhiidhaayo
In kastoo diyaarado dhaqso leh , dhumuc ku faanayso
Bal ogoow dhulkaan leeyahoo, ways ka kaa dhicin e

Dhagaxyaha kol aan qaato oon , dhawda kaa galiyo
Ama feedh dhagtaa kugu dhuftoon, kugu dhadhaabeeyo
Ama dhawr hal oo ii qarsoon, kugu dhallaan gooyo
Bal ogoow dhulkaan leeyahoo ,ways ka kaa dhicin e

Dhunyac iyo waxaan leeb ka dhigan, midhayo dhuudhuub e
DHafaruur intaan fiiqo oon , dhaga u soo yeelo
Daba-dheerle dhiig damagada’a, dhalo ku soo miiro
Dharkaynkiyo intaan ugu dhex daro, xabag dhunkaaleedka
Dhiibitida dhamays tiran intaan, wadar kusoo dhoobo
Dhag markaan ku siiyaba naftii, dhimasho weeyaan e
Bal ogoow dhulkaan leeyahoo, ways ka kaa dhicin e

[Seedyare]

hoga-tusaalayntii ,gubaaabadii iyo sarbeebtii HEELAALE

dheef--waa gobonmimo
kayn dhibtaal badan--itoopiya
dadkay gaajo dhagax-yaysay--gobonimo doonkii onlf

waxaa sheekaysanaya gobonimadii iyo dadkii doonisteeda u heellanaa

Markay dheef u yeereen dad ay, gaajo dhagaxyaysay
Dhawaaqeeda goortay maqleen, ee la dhaga qaaday
Wax la yiri ‘’dhankee baad jirtaa, oo dhabqali fiican?’’
Waxay tiri ‘’dhabbaba soo ma galo, dhaalka aan jira e’’
Wax la yiri ‘’maxaa kugu dhacay oo, dhaxanta kuu jiiday?’’
Waxay tiri ‘’dhankaas baan ka ahay, kayn dhibtaal badan e’’
Waxay tiri ‘’qofkii soo dhex mara, yay dhadhamiyaaye’’
Idinkoon dhib galin way fogtahay, saad ku dharagtaan e
Ma u dhii-dhinaa gaalku waa, dhacay dalkeeniiye !

[Seedyare]

Cumar fakad ayaa gabay ku furay shir ay xamar ku qabsadeen abwaanadii iyo saraaakiishii Ogaadeen iyadoo lagu jiro qaban qaabadii 77 .Cumar Fakad oo ay muuqatay daacad-waaaga kacaanka iyo habacsanaanta tolkii baa dagaalka u arkay dhalanteed iyo hawl aan bislayn .Golihii buu Fakad ka tiriyay gabay lamagac baxay maad inaga dhaafti
.Waxaa gabaygiisii maad inaga dhaaftid ka mid ahaa tuducan

Raggii dhaawacaygii ka tagay, aniga oo dhiirrin
Oo aan isoo dhugan markaan, dhididka saydhaayay
In aan Biixiyoow soo dhex galo, hayga dhawrina e
Dhabba qudha hadaynaan marayn, maad inaga dhaaftid






Goortii dagaalkii lagu hungoobay ayuu fakad gabaygii ku noqday. Wuxuuna yidhi abwaanku



Nin siyaasad dhuuxaan ahaye,kama dhakooleen e
Inay kala dhinayd waan ogaa, ooy dhukaan tahaye
Markay dhicisay DHAWRA iyadoon, dhaysba wali gaadhin
Dhiilaha in loo soo cugtaa, waa dhammaasnimo e
Dhalanteedka beenta ah anoo, dhinac ka eegaaya
Nacas baa dhab moodaye waxaan, dhawrayaa yimid e

Dhiddadiyo shabeelkii markii, taladii loo dhiibay
Ee lays dhex yaacsiiyay bay ,dhaqabday ee hoowe
Dhan ba looma wada jeedsan oo , dheef la daydayiye
Aqal aan dhig iyo udub lahayn, yaan dhis leenahaye
Meeshay ka dheelliyi inaan, dhidibno mooyaan e
Ha dhawrina dhanaan iyo karuur, aad ka dharagtaan e

[Seedyare]

Dhoodaan and Kaadheeri predicting the eminent dawnfall of the kacaan


DHoodaan

Murugada guraabaastay baa, kugu galaydhyeyne
Goorahanna saadaashu way, kugu gandoodaaye
In aad kaalintaa gabtay buu, galowgu sheegaaye
Guu-guulihii faaliyee, baalasha is gooyey
Isba gamashigaaguu arkiyo, gaajo kuu imane
Sababtaadii oo gaamurtiyo, gabawar kuu baaqye

kaadheeri

Cuqubada galshada buuxisee, gayiga saamaysay
Guulaamadii soo kacdiyo, galowgii eedaamay
Mar uun buu gadoodkeedu iman, guluf colaadeede
Guul-darooyinkaa riman mar bay, geli shinkoodiiye
Gidh-gidhahan istaamayi mar buu, gaadhi qarixiiye
Mar buu gaanka qaayiban nafluhu, googan kaligiise
Geeddada balaadhani mar bay, golongol dhuubnaane
Guryo dabaqa kii lihi mar buu, geed dugaashaniye
Ninkii godob lahaan jiray mar bay, goosan aanaduye

[Seedyare]

Kaadheeri


Ragga saawa saawada dhibtiyo , solayga jiilaalka
Saran-seerka way wada dhasheen, saac adayg badan e
Hayeeshee sareedada aduun, siday ku gaadaani
Waa sinnaan midnimo ay helaan,suubanaan adib e

[Seedyare]

gabaygii Galaydh ee gubaabada ahaaa.Gabayadii 77 kuwa ugu caansan buu ku jiray xaga gubaabada, farshaxanka iyo waliba luuqda macaan ee fidhin ku ladhi jiray gabayadiisa

Gal biya ah xareed galalac tidhi, adiga oo gooman
Gacmahaaga ood kaga cabtaad, kaga gammaysaaye
Gobonimadu waa saa ninkaan,garan se yeelkiiye
Gundhiyaay! xaqiinii gudhnaa, waad u gogosheen e

[Seedyare]

Gandaal , gabaygii qaylo dhaan

Qanjidh hilibka waa qayb ka mid ah, quudna noqon waaye
qab-qablana dadku magac la yahay, waase qulub jaan e

[Seedyare]

Murtidii Cabdullahi Badal Cabdi Qamaan


Hoggaankaan xurmaynayn shacbigu , kama xishoodaan e
Kuumana xil qariyaan hadaad, noqoto xayraan e
Xasillooniyo waa dulqaad ,waxay ku xeebtaan e

[Seedyare]

Cumar Cabdullahi Ciise (FAKAD)ayaa shirkii carte ka aqriyay tix gabay ah ay ku jirtay tuducan hoose ee xigmada iyo xaqiiqada ku salaysan.



Kibirkii la eeday iyo la diid, kala sarrayntiiye
Kaligay anaa cuni wixii , kiciyay weeyaan e
Kafad baan u wada saarayaa, koomba qaybsiga e
Kabbo oo isii aan kabado, kulanku weeyaan e
Allahayoow na kaalmee waqtigu, kaabiguu yimid e

[Seedyare]

Qaryaan Dhoodaan , gubaabadii iyo dhiira-galintii u siiyay jab-bahadii xaq u dirirka ee Somali galbeed.


Marsada uu cadaawuhu dego, ee lagu malaynaayo
Ilaalada ku meermeeriyoo, ha iska miriqshaanto
Shanqadhooda goortii mugdi ah, maala dhagihiina
Maalintiina muuq iyo bidhaan, milicsadoo eegta
Mutux yuu ahaan kiinuye, waa inaad magoogtaane
Ragna maqaalufaa toosisee, mihindis foolaada
Ismaan raaca towfiiqdu waa, lagama maarmaane

Miidaanka goortaad heshaan, midig u liishaama
Miisaan dabkiina u rida oo, waliba moogaysta
Mar kastaba dhufayskay galaan, meylal kor u dhaafa
Dharaartii midhaysiga ku dila, mira habaynkiina
Xaqeena oo markhaatiya raggii, maydhaxda u gooyey
Malabkuu bartaye waa inay, dacar magawshaan e