Postby AbdiWahab252 » Sat Nov 04, 2006 6:13 pm
Maxkamaddii Islaamiga aheyd ee looga Dhawaaqay Waqooyiga Gaalkacyo oo Taageero ka heshay mid ka mid ah Beelaha Cumar Maxamuud.
MudugNet, Muqdisho.Jimce, November 03, 2006.
Bayaan ka soo baxay Beesha Reer-Khalaf ee ka tirsan oo Beelaha Cumar Maxmuud ee Majeerteen, ayaa lagu taageeray Maxkamaddii Islaamiga ahayd ee Toddobaadkiila soo dhaafay looga dhawaaqay Daanta Woqooyi ee magaalada Gaalkacyo, oo ay ka taliso dawlad-goboleedka Puntland.
Wadaad la yiraahdo Sh. Max,ed Warsame Faarax-Barre,oo u dhashay Beesha Reer-Khalaf, oo Maanta Magaalada Gaalkacyo ugu warramayay saxaafadda, ayaa sheegay in Shir dhawrkii bari ee tagay Beesha Reer Khalaf ay uga hadlaysay xaaladda maanta uu Dalku marayo, ay ka soo baxeen
saddex qodob oo kala ah:-
1- Inay taageersanyihiin Go,aanka ay Beesha Max,ed Cumar ay dhawaan ku gaartay inay dhisato maxkamad Islaami ah ooGacan-saar la leh Midawga Maxkamadaha Islaamigaa ee Soomaaliyeed.
2-Inay ugu baaqyaanaan Beelaha kale ee Puntland inay qaataan Mabda, ah Ku-Dhaqanka Shareecada Islaamka &.
3-inay u-soo jeedinayaan Mas,uuliyiinta Maammulka Putland inay wax ku xumaan Shareecada Islaamka.
Bayaankan, ayaa ku soo beegmay xilli Woqooyiga Magaalada Gaalkacyo ay ka jirto xiisad kacsan oo ka dhalatay ku-dhawaaqiddii Beesha Max,ed Cumar ay dhawaan shaaca uga qaadday inay ku dhisatay Maxkamad Islaamiya oo hoostagta Midawga Maxkamadaha Islaamigaa looga arrimiyo magaalada Muqdisho.
Xiisadda ayaa Cirka isku shareertay ka dib markii Maalinnimadii Darraad uu Guddoomiyaha Maxkamadda Islaamigaa ee AL-FURQAAN Sh. C/QAADIR Maxamed Barre ka sheegay mid ka mid ah Idaacadaha Magaalada Gaalkacyo in Midawga Maxkamadaha Islaamigaa ee Soomaaliyeed ay wax ka ogaayeen dhismaha Maxkamadda Islaamigaa ee Beesha Maxamed Cumar ay uga dhawaaqday woqooyiga magaalada Gaalkacyo. wuxuuna intaas ku daray Sh. CABDULQAADIR inay Hiil & Hooba la garab taagan yihiin Maxkamaddaas.
Illaa & intii lagu dhawaaqay Dhismaha Maxkamadda Islaamigaa ee Beesha Maxamed-Cumar, ayaa waxaa magaalada Gaalkacyo ku soo ururayay Madax sarsare oo ka tirsan Dawlad-Goboleedka Puntland, oo ay ka mid yihiin Madaxweynaha Puntland Gen. Cadde Muuse & Wasiirro aad u tiro badan oo ka tirsan Puntland. waxaa kaloo Maalmahan Dambe ku soo badanayay Ciidammo aad u hubaysan oo ka tirsan Ciidammada Daraawiishta ee Puntland.
illaa & Hadda ma jiraan wax isku-dhac ah oo ay arrimahaasi keeneen. laakiin waxaa laga cabsi qabaa in Maammulka Punland uu qab-qabto Xubnihii ku dhawaaqay Maxkamadda Islaamigaa.
Taasoo Sababi karta iska hor-imaad ka billawda Puntland Dhexdeeda, sida ay sheegayaan dadka Arrimaha Siyaasadda Qaadaa-dhiga.
Maammulada Puntland & Somaliland, oo labadooduba Xulufo la ah Dawladda Itoobiya, ayaa waxaa lagu yaqaannaa inay u dul-qaad-yar yihiin Mucaaradkooda Gudaha, Gaar ahaan Culummaa,u-diinka, oo Maammuladaasi ay gacan bir ah kula dhaqmaan.
Basra