amxaaro injirley got slaughtered last night
Gawaari Dagaal iyo Maxaabiis laga qabsaday Tikreega oo la xaqiijiyay in la geeyay Diinsoor.
Diinsoor, 21-December-06 ( Qaadisiya.com) Gawaari dagaal oo laga qabsaday ciidamada Tikreega iyo maxaabiis isugu jirta Tikree iyo Soomaali ayaa la xaqiijinayaa in la geeyay degmada Diinsoor ee gobolka Bay kadib markii ciidamada Tikreega lagu soo jabiyay dagaalkii ka dhacay deegaanka Iidaale iyo hareeraha xerada Manaas ee duleedka magaalada Baydhabo.
Dagaal culus ayaa maanta ka dhacay aaga Iidaale iyo hareeraha xerada Manaas,waxa uuna dagaalkaasi ahaa mid laysku adeegsaday hubka noocyadiisa kala duwan. Ciidamada Tikreega ee la dagaalamayay mujaahidinta garabkooda ayaa Alla ka baxay,waxaana laga gubay Taangiyo,gaadiid kale oo dagaalna waa laga qabtay.
Warar lagu kalsoon yahay oo ay shabakada islaamiga Qaadisiya ka heshay magaalada Diinsoor ayaa xaqiijinaya in degmadaasi ay soo gaareen gaadiid dagaal oo ay ka qabsadeen mujaahidiinta maxkamadaha islaamiga Soomaaliyeed ciidamada Tikreega ee dagaalka kula jiray.
Dadka ku dhaqan magaalada Diinsoor ayaa ku soo dhaweeyay mujaahidiinta soo xoreeyay gaadiidka dagaalka, maxaabiistana soo qafaalatay Takbiir,waxa ayna isugu soo baxeen xarun ciidamada maxkamadaha islaamiga ay geeyeen maxaabiista iyo gaadiidka dagaalka si ay u muujiyaan guusha Allaah gaarsiiyay mujaahidiinta jihaadka kula jira ciidamada Tikreega ee ku soo gardarrooday dalka Soomaaliya.
10 gaari oo kuwa dagaalka oo ay leeyihiin ciidamada Tikreega ayaa lagu soo warramayaa in gurmad ahaan loo geeyay aaga Iidaale si ay u xoojiyaan ciidamada Tikreega ee halkaasi ka dagaalamayay oo dabada looga dhacay kuwaasoo ku dhaw in ay u soo baqdaan magaalada Baydhabo.
Dhinaca kale diyaaradaha milatari ee dalka Ethiopia ayaa ku hawlan daad gureynta dhaawacyada ciidamada Tikreega ee dagaalka ka qeyb qaadanayaan kadib markii dawo yaro ay soo wajahday cusbitaaladii magaalada Baydhabo ay ka sameysteen,taasoo keentay in dhaawacooda loo qaado magaalada Adis Ababa.