Mogadishu has fallen: Somali calns capture for government!!!

[sadeboi]

Isbadal Ku yimid Caawa qeybo ka mid ah caasimadda somalia


Mogadishu 27, Dec.06 ( Sh.M.Network) – Qeybo ka mid ah Magaalada Muqdisho ayay galabta la wareegeen Maleeshiyooyin qabaa'il oo hubeysan, iyadoo lagu arkayay isgoysyada magaalada Muqdisho qaarkood.

Maleeshiyooyinkaan oo ku hubeysan hubka tiknikada ah iyo kan fudud ayaa galabta gaaf wareegayay isgoyska Siinaay, iyadoo Taliye lagu magacaabo Max'ed Cabdi Sabriye Garjeex oo gacan ku heynta degmada Boondheere ilaa iyo Suuqbacaad ay maleeshiyo daacad u ah isaga ay la wareegeen ayaa waxa uu sheegay in ay ka baxeen halkaasi ciidamo horey u joogay oo amaanka sugayay oo ka tirsanaa golaha maxkamadaha islaamka, haatana ay iyagu la wareegeen si aanu faraha uga bixin amaanka.

Dhinaca kale Isgoyska Siinaay ayaa maanta markii ugu horeysay lagu gadayay Jaad, iyadoo dadka aanu wax cabsi ah qabin.

Wararka naga soo gaaraya gobolka Sh/dhexe ayaa sheegaya in ciidamada Ethiopia iyo kuwa dowladda KMG ah ay joogaan deegaanka Qalimow ee degmada Balcad ku dhow, sida ay sheegeen ilo xog ogaal ah oo ku sugan degmada Balcad.

[sadeboi]

Mogadishu - 27-December -2006-Allceeldheer.com Isbadal ayaa ku yimid caawa caasimadda somalia ee Muqdisho, ka dib markii qeybo ka mid ah magaalada Muqdisho ay qabsadeen galabta maleeshiyooyin hubeysan oo qabaaÂ’ilada ah, iyadoo maanta galinkii dambe la waayay ciidamadii maxkamadaha ee joogi jirey isgoysyada.


Magaalada Muqdisho gaarahaan deegaanada siinaay, Suuqbacaad iyo Manabolyo ayaa waxaa lagu arkayay maleeshiyo caafadeed ku hubeysan qoryaha dagaalka kuwaasi oo sheegay in ay suganayaan amaanka deegaanadooda maadaama ay baneeyeen meesha kuwii maxkamadaha islaamka.

Arintaan ayaa waxa ay timid ka dib markii xoogagga maxkamadaha islaamka ay ku soo jabeen maanta dagaalkii loogala wareegay gacan ku heynta magaalada Jowhar, iyadoo caawa degmada Balcad ay jiifanayaan ciidamada Ethiopia iyo kuwa dowladda Somalia.

Qeybo ka mid ah magaalada Muqdisho waxaa dib ugu soo laabtay qaad la iibinayo, iyadoo isgoyska siinaay si caadi ah loogu iibinayay.

Warar si hoose loo helay ayaa waxa ay sheegayaan in gawaaridii dagaalka loogu celiyay qabaaÂ’iladii iska lahaa, iyadoo qabiil walba uu bilaabay in hubkii laga qaniimeystay uu soo ceshado.

[AbdiWahab252]

Inta badan goobihii ay gacanta ku hayeen Maxkamadaha Islaamka ee Magaalada Muqdisho oo si beel beel ah loo wareejiyay. Iyadoo goobahaasina ay ka mid yihiin: Taliska police-ka , Radio Mogadishu, iyo xaruntii Villa Soomaaliya oo dhamaan goobahaasi uu gacanta ku hayay Xuseen Ceydiid .

Hobyonet. Muqdisho. Arbaco, Dec 27, 2006

Xarumahaasi aya kalhore waxaa la wareegay Maxkamadaha Islaamka si nabdoon , waxayna haatan markii ay xaaladu xumaatay la goÂ’aansaday in lagu wareejiyo Taliyaha Ciidamada Maxkamada Madaxtooyo Sadaam Sh. Xasan Faarax.

Radio Mogadishu oo ku howlgeli jiray magaca codka shacabka Soomaaliyeed ayaa markii ay Maxkamaduhu qabsadeen waxaa lagu magacaabay Codka Ummadda Soomaliyeed, Raadiyahaas ayaanu barnaamijyadii cadiga ahaa ka soconin xilligaan marka laga reebo Aayadaha Quraanka kariimka ah, oo si xirir ah uga socda.

Warar hoose ayaa sheegaya in goobo kale oo hor leh ay Maxkamaduhu damacsan yihiin in la wareejiyo sida deegaanada suuqa xoolaha iyo Degamada C/casiis oo maamuli jireen hogaamiye kooxeedyo.

Arrintan warejinta Fariisimahaan oo ah baro muhiim ah ayaa waxaanu si rasmi ah loo cadeyn karin sababta ka dambeyso in la warejiyo

Ahmad Dahir

Hobyonet. Muqdisho Soomaaliya

Maslaha1@hotmail.com